یاسای بنه‌ڕه‌تی تورکیا چی دیکه‌ شه‌رعیه‌تی نییه‌

سه‌رۆکی پارتی گه‌لی کۆماری خوازی تورکیا ڕایگه‌یاند که‌ یاسای بنه‌ڕه‌تی تورکیا شه‌رعیه‌تی نه‌ماوه‌ و ده‌وڵه‌تی ئێستا مافی ئه‌وه‌ی نییه‌ خه‌ڵک ده‌ستگیر بکات.

به‌ ڕاپۆرتی ئاژانسی مێهر له‌ حوڕیه‌ت، که‌ماڵ قلیچدار ئۆغڵو، سه‌رۆکی پارتی گه‌لی کۆماری خوازی تورکیا وتی: تورکیا به‌ یاسایه‌کی بێ شه‌رعیه‌ت به‌ڕێوه‌ده‌چێت.

ئه‌و زیادی کرد: ئێمه‌ له‌ حاڵی تێپه‌ڕاندنی سه‌رده‌می کوده‌تاین که‌ یاسای دۆخی ئه‌منی و به‌ په‌له‌ به‌سه‌ریدا زاڵه‌ و یاسای بنه‌ڕه‌تی تورکیا ڕاگیراوه‌. تورکیا ئێسته‌ له‌ لایه‌ن یاسایه‌کی بێ شه‌رعیه‌ته‌وه‌ به‌ڕێوه‌ ده‌چێت.

ئۆغڵو وتی: ئه‌م یاسایه‌ له‌ لایه‌ن پارتێکی تایبه‌ته‌وه‌ سه‌پێندراوه‌. هه‌موو ڕێکخراوه‌کان و دام و ده‌زگا ده‌وڵه‌تییه‌کان بۆ سه‌پاندنی ئه‌م دۆخه‌ ڕێکخراون. ۱۵۹ ڕۆژنامه‌نووس به‌ چ تاوانێک زیندانی کراون. ده‌وڵه‌ت کارێكی کردووه‌ مۆڵه‌تی دژبه‌ری به‌ که‌س نادات.

ئه‌و هه‌روه‌ها له‌ کۆتاییدا به‌ توندی ڕه‌خنه‌ی له‌ ڕاپۆرتێکی پارلمانی تورکیا سه‌باره‌ت به‌ کوده‌تاکه‌ی ساڵی ۲۰۱۶ گرت و وتی: ئه‌مه‌ چ جۆره‌ ڕاپۆرتێکه‌ هیچ زانیارییه‌کی سه‌باره‌ت به‌ کووده‌تاکه‌ و هۆکاره‌کانی ڕوودانی ئه‌م کوده‌تایه‌ به‌ که‌س نادات.

News Code 10380

نیشانەکان

بۆچوونی ئێوە

You are replying to: .
  • 3 + 5 =