شه‌ڕی نێوان قه‌ته‌ر و عه‌ره‌بستان دوای سه‌فه‌ری ترامپ

مێدیاکان ئاماژه‌ ده‌ده‌ن که‌ له‌ دوای سه‌فه‌ره‌که‌ی دۆناڵد ترامپ بۆ عه‌ره‌بستان ناکۆکییه‌کانی نێوان قه‌ته‌ر و عه‌ره‌بستان په‌ره‌ی سه‌ندووه‌ و ئه‌مه‌ش به‌ هۆی پشتیوانی قه‌ته‌ر له‌ ئیخوانولموسلمینه‌.

به‌ ڕاپۆرتی ئاژانسی مێهر له‌ دۆیچوله‌، دوابه‌دوای دیداری دۆناڵد ترامپ، سه‌رۆک کۆماری ئه‌مریکا له‌ عه‌ره‌بستان، شه‌ڕی نێوان قه‌ته‌ر و سعوودیه‌ په‌ره‌ی سه‌ندووه‌ و ئه‌مه‌ش به‌ هۆی پشتیوانی قه‌ته‌ر له‌ ئیخوانولموسلمینه‌.

بڕیار وابوو که‌ دوای سه‌فه‌ری ترامپ بۆ سعوودییه‌ به‌ره‌یه‌کی عه‌ره‌بی له‌ دژی ئێران بکرێته‌وه‌، به‌ڵام ته‌نیا چه‌ند ڕۆژ دوای ئه‌م سه‌ردانه‌ ناکۆکییه‌کان له‌ نێوان سعوودییه‌کان و به‌رپرسانی قه‌ته‌ر به‌وپه‌ڕی خۆی گه‌یشتووه‌.

ئه‌میری قه‌ته‌ر له‌ میانه‌ی قسه‌کانی خۆی له‌م کۆبوونه‌وه‌دا وتی: که‌س مافی ئه‌وه‌ی نییه‌ هێزی وه‌ک ئیخوانولموسلمین به‌ تیرۆریست بناسێنێت و قه‌ته‌ر به‌ پشتیوانی تیرۆریسته‌کان تۆمه‌تبار بکات، هه‌روه‌ها ئێمه‌ لامان وایه‌ که‌ حه‌ماس و حزبوڵا هێزی خۆڕاگه‌ری ئیسلامین.

ئه‌میری قه‌ته‌ر جه‌ختی کرد که‌ هۆکاری سه‌ره‌کی په‌ره‌سه‌ندی توندڕه‌وی له‌ ئیسلام ئه‌و چه‌ند وڵاته‌ی ناوچه‌که‌ن که‌ له‌ بیروبۆچوونێکی دژ به‌ ئیسلام پشتیوانی ده‌که‌ن.

ئه‌م قسانه‌ی ئه‌میری قه‌ته‌ر بووه‌ هۆی ئه‌وه‌ی که‌ به‌رپرسانی عه‌ره‌بستان به‌ توندی وڵامی ئه‌م وڵاته‌ بده‌نه‌وه‌، دوابه‌دوای ئه‌م کاردانه‌وه‌ توونده‌ به‌رپرسانی ده‌وڵه‌تی قه‌ته‌ر دواوایان له‌ مێدیاکانی قه‌ته‌ر کرد که‌ قسه‌کانی ئه‌میری قه‌ته‌ر بڵاو نه‌که‌نه‌وه‌ له‌م قسانه‌ به‌ هه‌ڵه‌ تێگه‌یشتوون. 

ئه‌وه‌ی کێشه‌ی دروست کردووه‌ ئه‌م بابه‌ته‌یه‌ که‌ ئیخوانولموسلمین، وه‌ک وڵاتی میسر به‌ مه‌ترسی بۆ سه‌ر ده‌سه‌ڵاته‌ پاوشانشێنه‌کان به‌ حساب دێت، له‌م نێوانه‌دا قه‌ته‌ر هاوکاری ئه‌م گرووپانه‌ ده‌کات تاکوو خۆی له‌ مه‌ترسی ئه‌م گرووپانه‌ دوور بخاته‌وه‌.

ئه‌مریکاش ڕه‌خنه‌ی له‌ هه‌ڵسوکه‌وتی ده‌وڵه‌تی قه‌ته‌ر کردووه‌ و ئاماژه‌ی داوه‌ که‌ قه‌ته‌ر ده‌یه‌وێت به‌م کاره‌ هه‌ژموونی خۆی به‌ سه‌ر گرووپه‌ ئیسلامییه‌ توندڕه‌وه‌کان بسه‌پێنێت و ئه‌مه‌ش ده‌بێته‌ مه‌ترسی بۆ ناوچه‌که‌ و هه‌موو جیهان.

شایانی باسه‌ که‌ دۆناڵد ترامپ له‌ میانه‌ی سه‌ردانه‌که‌ی خۆی بۆ عه‌ربستان له‌ وڵاتانی ئیسلامی ناوچه‌که‌ش داوای کردبوو تاکوو به‌ جدیه‌ته‌وه‌ به‌ره‌ڕووی گرووپه‌ توندڕه‌وه‌ ئیسلامییه‌کان ببنه‌وه‌ و ئه‌مه‌ش به‌ جۆرێک قه‌ته‌ری ده‌گرته‌وه‌ که‌ به‌ پشتیوانی سه‌ره‌کی گرووپه‌ تووندڕه‌وه‌کان و ئیخوانولموسلمین له‌ جیهاندا ناسراوه‌.

News Code 10338

نیشانەکان

بۆچوونی ئێوە

You are replying to: .
  • 5 + 8 =