تورکیا به‌رپرسه‌ له‌ ڕووداوه‌ تیرۆریستییه‌که‌ی ورمێ

فه‌رمانده‌ی سنووره‌وانی ئێران هاوکات له‌گه‌ڵ لێکدانه‌وه‌ی ڕووداوه‌که‌ وتی: گومانی تێدا نییه‌ که‌ ئێمه‌ وڵامی ئه‌م کاره‌ تیرۆریستییانه‌ ده‌ده‌ینه‌وه‌ و وڵاتی تورکیاش به‌ به‌رپرس ده‌زانین و ده‌بێت وڵامده‌ر بێت.

به‌ ڕاپۆرتی ئاژانسی مێهر، قاسم ڕه‌زایی، فه‌رمانده‌ی هێزی سنووره‌وانی ئێران وتی: پارێزگای ئازه‌ربایجانی ڕۆژئاوا هاوسنووره‌ له‌گه‌ڵ تورکیا و ئه‌رمه‌نه‌ستان و عێراق، به‌داخه‌وه‌ له‌و ناوچه‌یه‌ی که‌ هاوسنووره‌ له‌گه‌ڵ تورکیا ئه‌م ڕووداوه‌ تیرۆریستییه‌ ئه‌نجام بووه‌.

ئه‌و زیادی کرد: یه‌کینه‌کانی سنووره‌وانی ئێران له‌ کاتی گه‌شت لێدان بۆ ماوه‌ی ۴۵ خوله‌ک شه‌ڕ ده‌که‌ن و به‌ داخه‌وه‌ دوو فه‌رمانده‌ی ئێمه‌ شه‌هید بوون. هه‌روه‌ها ۷که‌سی دیکه‌ش بریندار بوون. له‌ ئێستادا دۆخی برینداره‌کان جێگیره‌.

ئه‌و وتی: ڕێوڕه‌سمی به‌ خاک سپاردنی ئه‌م دوو فه‌رمانده‌یه‌ له‌ ئازه‌ربایجانی ڕۆژهه‌ڵات له‌ زێدی خۆیان دوێنێ به‌ڕێوه‌ چوو. 

ئه‌م فه‌رمانده‌ ئێرانییه‌ له‌ درێژه‌دا جه‌ختی کرد: گومانی تێدا نییه‌ که‌ ئێمه‌ وڵامی ئه‌م کاره‌ تیرۆریستییانه‌ ده‌ده‌ینه‌وه‌ و وڵاتی تورکیاش به‌ به‌رپرس ده‌زانین و ده‌بێت وڵامیش بده‌نه‌وه‌.

ئه‌و وتی: ئێران شێلگیرانه‌ به‌دواداچون بۆ ئه‌م بابه‌ته‌ ده‌کات و ئێستاش ده‌ستی پێکراوه‌.

News Code 10325

نیشانەکان

بۆچوونی ئێوە

You are replying to: .
  • 3 + 7 =