هه‌زاران داعشی بۆ هێرش کردنە سەر ڕووسیا ئاماده‌ن

هه‌زاران ئه‌ندامی تیرۆریستی داعش سه‌رقاڵی ڕاهێنان و ئاماده‌ بوونن تاکوو له‌ کوێستانه‌کانی ئه‌فغانستانه‌وه‌ هێرش بکه‌نه‌ سه‌ر ڕووسیا.

به‌ ڕاپۆرتی ئاژانسی مێهر له‌ ئه‌لجه‌زیره، دوای بڕیاره‌که‌ی ڕووسیا بۆ هێرش کردنه‌ سه‌ر بنکه‌ و باره‌گاکانی داعش له‌ سووریا هه‌زاران ئه‌ندامی تیرۆریستی داعش سه‌رقاڵی ڕاهێنان و ئاماده‌ بوونن تاکوو له‌ کوێستانه‌کانی ئه‌فغانستانه‌وه‌ هێرش بکه‌نه‌ سه‌ر ڕووسیا.

ئه‌مریکا و وڵاتانی دیکه‌ی ڕۆژئاوا به‌رده‌وام ئامانجی یه‌که‌می داعش و ئه‌لقاعیده‌ بوون، به‌ڵام هاوپه‌یمانی مسکۆ له‌گه‌ڵ ده‌میشق و ڕۆڵی ڕووسیا له‌ شه‌ڕی دژ به‌ داعش له‌ سووریا بووه‌ته‌ هۆی ئه‌وه‌ی تاکوو ئه‌م گرووپه‌ ڕێکارێک بۆ شه‌ڕی دژ به‌ ڕووسیا بدۆزێته‌وه.

به‌ پێی ئه‌م هه‌واڵه، باشترین ڕێگا بۆ دزه‌ کردنه‌ ناو ڕووسیا خاکی ئه‌فغانستانه‌ و ماوه‌ی ساڵێکه‌ داعش له‌ ئه‌فغانستان ده‌ستی کردووه‌ به‌ چالاکی و ڕووسیاش یه‌کێک ده‌بێت له‌ ئامانجه‌ سه‌ره‌کییه‌کانی ئه‌م گرووپه‌ تیرۆریستییه‌ له‌ ئه‌فغانستان.

News Code 10318

نیشانەکان

بۆچوونی ئێوە

You are replying to: .
  • 2 + 1 =