ئه‌نیمه‌یشنێکی ئێرانی خه‌ڵاتی که‌نی وەرگرت

ئه‌نیمه‌یشنی "ڕزگار بوون له‌ به‌هه‌شت" له‌ لایه‌ن ستافی داوه‌ری فستیڤاڵی نێونه‌ته‌وه‌یی فیلمی که‌نی فه‌ڕه‌نساوه‌ خه‌ڵات کرا.

به‌ ڕاپۆرتی ئاژانسی مێهر له‌ ماڵپه‌ڕی ئه‌نیمه‌یشن دی ئێن کێن، له‌م ڕۆژانه‌دا فستیڤاڵی نێونه‌ته‌وه‌یی فیلمی که‌ن له‌ فه‌ڕه‌نسا به‌ڕێوه‌ ده‌چێت و له‌ کۆتایی به‌شی ئه‌نیمه‌یشنی فستیڤاڵی کان، به‌رهه‌می "ڕزگار بوون له‌ به‌هه‌شت" له‌ ئێرانه‌وه‌ خه‌ڵات کرا.

به‌ پێ ئه‌م ڕاپۆرته‌، ئه‌نیمه‌یشنی ڕزگار بوون له‌ به‌هه‌شت به‌ هۆی باشترین چیرۆک و ناوه‌ڕۆکه‌وه‌ خه‌ڵاتی ڕێزلێنانی فستیڤاڵی که‌نی مسۆگر کرد.

له‌ به‌شی ئه‌نیمه‌یشن سێ به‌رهه‌م خه‌ڵات کران که‌ بریتی بوون له‌ ژۆناد له‌ به‌رهه‌می شینیچیرۆ کیمۆرا، ڕزگار بوون له‌ به‌هه‌شت له‌ به‌رهه‌می عه‌لی نووری و ئێقباڵ له‌ به‌رهه‌می میشل فۆزلییه‌.

ئه‌م خه‌ڵاتانه‌ به‌ هۆی ته‌کنیکی باش و ناوه‌ڕۆکی مرۆڤانه‌ به‌م ۳ ئه‌نیمیشنه‌ پێشکه‌ش کرا.

هه‌روه‌ها له‌ کۆتاییدا ئه‌نیمه‌یشنی "ژیانی من وه‌ک که‌دوو" له‌ وڵاتی ئه‌مریکا خه‌ڵاتی تایبه‌تی "شۆڤالییه‌ی" که‌نی پێشكه‌ش کرا.

شایانی باسه‌ که‌ به‌رهه‌م هێنانی ئه‌نیمه‌یشن له‌ چه‌ند ساڵی ڕابردوودا په‌ره‌یه‌کی یه‌کجار زۆری له‌ جیهاندا سه‌ندووه‌ و ئه‌مه‌ش بووه‌ته‌ هۆی ئه‌وه‌ی که‌ زۆربه‌ی فستیڤاڵه‌ ناسراوه‌کانی جیهانی سینه‌ما به‌شێک بۆ کێبه‌رکێی ئه‌نیمه‌یشنه‌کان ته‌رخان بکه‌ن که‌ له‌ ته‌نیشت به‌شی فیلمی سینه‌مایی فستیڤاڵه‌کان به‌ڕێوه‌ ده‌چێت.

News Code 10316

نیشانەکان

بۆچوونی ئێوە

You are replying to: .
  • 3 + 0 =