سێهه‌مین وجبه‌ی چه‌ک گه‌یشته‌ ده‌ست کوردی سووریا

به‌رپرسێکی باڵای هێزه‌کانی دیموکڕاتیکی سووریا ڕایگه‌یاند که‌ سێهه‌مین وجبه‌ی چه‌کی ئه‌مریکاییه‌کان له‌ ڕێگه‌ی سنووری سمێڵکای هه‌رێمی کوردستان به‌ ده‌ستی هێزه‌کانیان گه‌یشتووه‌.

به‌ ڕاپۆرتی ئاژانسی مێهر له‌ سپۆنتیک، به‌رپرسێکی باڵای کوردی سووریا ڕایگه‌یاند: سێهه‌مین وجبه‌ی چه‌کی ئه‌مریکاییه‌کان له‌ ڕێگه‌ی سنووری سمێڵکای هه‌رێمی کوردستان به‌ ده‌ستی هێزه‌کانیان گه‌یشتووه‌.

ئه‌و زیادی کرد: ئه‌م وه‌جبه‌یه‌ بریتییه‌ که‌ چه‌ندین ئۆتۆمبیلی سه‌ربازی به‌هێز. ئه‌مریکا له‌ درێژه‌ی شه‌ڕی دژ به‌ داعش ئه‌م چه‌کانه‌ بۆ ئێمه‌ ده‌نێرێت، له‌م بڕه‌ چه‌که‌ مووشه‌کی گه‌رمایی دژه‌ تانکیشی تێدایه‌ که‌ ده‌توانێت بۆ شه‌ڕی دژ به‌ هێرشی تانکه‌کان به‌کار بێت.

ئه‌م فه‌رمانده‌ کورده‌ که‌ نه‌یویست ناوی ئاشكرا بێت وتی:  زیاتر له‌ ۷۰ لۆری چه‌ک له‌ قۆناغی سێهه‌م به‌ ده‌ستی ئێمه‌ گه‌یشتووه‌ که‌ هه‌مووی له‌ سنووری سمێڵکای هه‌رێمی کوردستانه‌وه‌ ڕه‌وانه‌ی باکووری سووریا کراوه‌. ئه‌م چه‌کانه‌ بۆ ئازاد کردنی ڕه‌قه‌ به‌ کار دێت و له‌ مانگی ژوئه‌نه‌وه‌ ده‌چینه‌ ناو شاری ڕه‌قه‌.

شایانی باسه‌ که‌ مووشه‌کی گه‌رمایی یه‌کێک له‌و جۆره‌ چه‌کانه‌ بوو که‌ تورکیا یه‌کجار نیگه‌رانه‌ لێی و لای وایه‌ له‌ داهاتوودا دژی ئه‌م وڵاته‌ به‌ کار دێت. تورکیا هه‌وڵی زۆری دا تاکوو ئه‌مریکا له‌ هاوپه‌یمانی کورد دوور بخاته‌وه‌ به‌ڵام شکستی هێنا.

News Code 10315

نیشانەکان

بۆچوونی ئێوە

You are replying to: .
  • 3 + 11 =