سوپای فلیپین و تیرۆریسته‌کانی داعش له‌ شه‌ڕدان

باڵەفڕه‌کانی سوپای فیلیپین له‌ شه‌ڕی دژ به‌ ئه‌ندامانی داعش، بۆ یه‌که‌مین جار ده‌ستیان کرد به‌ هاوێشتنی مووشه‌کی ئه‌شه‌عه‌یی.

به‌ ڕاپۆرتی ئاژانسی مێهر له‌ ڕاشاتوده‌ی، باڵفڕه‌کانی سوپای فیلیپین له‌ شه‌ڕی دژ به‌ ئه‌ندامانی داعش، بۆ یه‌که‌مین جار ده‌ستیان کرد به‌ هاوێشتنی مووشه‌کی ئه‌شه‌عه‌یی.

به‌ پێی ئه‌م ڕاپۆرته‌، له‌ ئێستادا شاری ماراوی به‌ ته‌واوی که‌وتووه‌ته‌ ژێرکۆنترۆڵی داعشییه‌کان و سوپای فیلیپینیش شاره‌که‌ی گه‌ماڕۆ داوه‌ و شه‌ڕێکی زۆر قورس له‌م شاره‌دا ده‌ستی پێ کردووه‌.

بۆ یه‌که‌مین جار سوپای فیلیپین له‌ مووشه‌کی ئه‌شه‌عه‌یی له‌ دژی داعشییه‌کان سوودی بردووه‌، ئه‌مه‌ یه‌که‌م جاره‌ که‌ فیلیپین بۆ شه‌ڕی ناوخۆیی له‌ وه‌ها مووشه‌کێکی به‌هێز سوود ده‌بات.

به‌ پێی هه‌واڵێکی ڕۆیترز، سوپای فیلیپین به‌ڵێنی داوه‌ ئه‌وه‌ی چه‌کی قورسی هه‌بێت له‌م شه‌ڕه‌ و به‌ پێی پێویست به‌ کاری دێنێت تاکوو کۆنترۆڵی هه‌موو شاره‌که‌ جارێکی دیکه‌ له‌ ده‌ست ده‌گرێته‌وه‌.

سوپای فیلیپین هیواداره‌ تاکوو ۳ ڕۆژی دیکه‌ بتوانێت هه‌موو شاره‌که‌ کۆنترۆڵ بکاته‌وه‌. هه‌روه‌ها له‌ شاری میندانائۆ که‌ گه‌وره‌ترین شاری موسوڵمان نشینی فیلیپینه‌ بۆ ماوه‌ی ۶۰ ڕۆژ قه‌ده‌غه‌ی سه‌ربازی ڕاگه‌یه‌ندراوه‌.

ده‌وڵه‌تی فیلیپین هۆشداری داوه‌ گه‌ر پێویست بکات له‌ سه‌رتانسه‌ری وڵات دۆخی نائاسایی سه‌ربازی ڕاده‌گه‌یه‌نێت. 

تاکوو ئێسته‌ ۴۱ تیرۆریستی داعش و ۱۳ هێزی سه‌ربازی فیلیپین کوژراون و ۴۵ که‌سی دیکه‌ له‌م شه‌ڕه‌دا بریندار بوون.

شاری ماراوی که‌ زیاتر موسوڵمان نشینه‌ زیاتر له‌ ۲۰۰ هه‌زار شارۆمه‌ندی هه‌یه‌ که‌ له‌ ئێستادا زیاتر له‌ ۹۰ له‌ سه‌دی شاره‌که‌یان چۆڵ کردووه‌.

News Code 10311

نیشانەکان

بۆچوونی ئێوە

You are replying to: .
  • 9 + 9 =