کوردی سووریا ڕه‌تی ده‌کاته‌وه‌ په‌یوه‌ندی به‌ داعشه‌وه‌ بێت

سه‌رچاوه‌یه‌کی سه‌ر به‌ وه‌زاره‌تی به‌رگری ڕووسیا ڕایگه‌یاند که‌ هێزه‌کانی دیموکڕاتیکی سووریا ڕێڕه‌ویان بۆ کشانه‌وه‌ی داعشییه‌کان له‌ ڕه‌قه‌ کردووه‌ته‌وه‌ و کوردی سووریاش ئه‌م پاگه‌نده‌یه‌ ڕه‌ت ده‌کاته‌وه‌.

به‌ ڕاپۆرتی ئاژانسی مێهر له‌ ڕه‌ئیوم یوم، سه‌رچاوه‌یه‌کی سه‌ر به‌ وه‌زاره‌تی به‌رگری ڕووسیا ڕایگه‌یاند که‌ هێزه‌کانی دیموکڕاتیکی سووریا له‌گه‌ڵ داعش له‌ ڕه‌قه‌ په‌یوه‌ندیان هه‌یه‌ تاکوو بێ شه‌ڕ شاره‌که‌ ڕاده‌ست بکه‌ن.

ئه‌م سه‌رچاوه‌یه‌ که‌ نه‌یویستووه ناوی ئاشکرا بێت زیادی کرد که‌ هێزه‌کانی دیموکڕاتیکی سووریا مۆڵه‌ت به‌ تیرۆریسته‌کانی داعش ده‌ده‌ن تاکوو له‌ ڕه‌قه‌ خۆیان ڕزگار بکه‌ن و به‌ره‌و ناوچه‌کانی دیکه‌ی سووریا بڕۆن.

ئه‌مه‌ له‌ حاڵێک دایه‌ که‌ ته‌لال سلۆ، وته‌بێژی هێزه‌کانی دیموکڕاتیکی کوردی سووریا ئه‌م لێدوانه‌ی ڕووسه‌کانی ڕه‌ت کرده‌وه و ڕایگه‌یاند: وه‌ک هه‌مووان ئاگادارن ئێمه‌ به‌شی باکووری شاری ڕه‌قه‌مان گه‌ماڕۆ داوه‌ و له‌ به‌شی باشووریدا هه‌موو ناوچه‌که‌ به ده‌ست تیرۆریسته‌کانی داعشه‌وه‌یه‌، ئێمه‌ چۆن ده‌توانین به‌ر به‌ هات و چووی ئه‌وان بگرین له‌ کاتێکدا ئه‌و ناوچانه‌ به‌ ده‌ست خۆیانه‌وه‌یه‌.

ئه‌و هه‌روه‌ها زیادی کرد: ئه‌ندمانی تیرۆریستی داعش خۆیان به‌ره‌و ڕه‌قه‌ یان هه‌ر کوێیه‌کی دیکه‌ ده‌ڕۆن، ئه‌مه‌ش بۆ ئه‌وه‌ ده‌گه‌ڕێته‌وه‌ که‌ دڵنیان له‌ شکست هێنان له‌ ڕه‌قه‌ و هه‌ر له‌ ئێسته‌وه‌ ڕا ده‌که‌ن و شاره‌که‌ چۆڵ ده‌که‌ن.

شایانی باسه‌ که‌ دوێنێ فڕۆکه‌ جه‌نگییه‌کانی ڕووسیا کاروانێکی داعشیان بۆردمان کرد که‌ ۱۲۰ تیرۆریستی تێدا کوژراوه‌ و ۳۲ لۆریشی تێدا ته‌قێندراوه‌ته‌وه‌. ئه‌م کاروانه‌ له‌ ڕه‌قه‌وه‌ به‌ره‌و پاڵمیرا ڕۆیشتووه‌.

داعش توانی به‌رگری کردنی له‌ به‌رنابه‌ر کورد-دا نییه‌ و هه‌ر به‌م هۆیشه‌وه‌ بۆ ناوچه‌کانی دیکه‌ پاشه‌کشێ ده‌کات و له‌م ناوچانه‌ش سوپای سووریا جێگیر بووه‌ و ئه‌مه‌ش ده‌توانێت بىیته‌ مه‌ترسی بۆ سه‌ر پلانه‌کانی ڕووسیا.

News Code 10303

نیشانەکان

بۆچوونی ئێوە

You are replying to: .
  • 8 + 10 =