سیاسه‌تی بنه‌ڕه‌تی ئێران په‌یوه‌ندی نزیک له‌ ڕووسیایه‌

سه‌رۆک کۆماری ئێران له‌ میانه‌ی په‌یوه‌ندییه‌کی ته‌له‌فوونی له‌گه‌ڵ ڤلادیمێر پووتین جه‌ختی کرد: سیاسه‌تی بنه‌ڕه‌تی ئێران په‌یوه‌ندی نزیک له‌گه‌ڵ ڕووسیایه‌.

به‌ ڕاپۆرتی ئاژانسی مێهر، حه‌سه‌ن ڕۆحانی، سه‌رۆک کۆماری ئێران له‌ میانه‌ی په‌یوه‌ندییه‌کی ته‌له‌فوونی له‌گه‌ڵ ڤلادیمیر پووتین، سه‌رۆک کۆماری ڕووسیا جه‌ختی له‌ په‌ره‌دان به‌ هاوکارییه‌کانی نێوان ئێران و ڕووسیا کرد.

ئه‌و زیادی کرد: ئێران سووره‌ له‌ سه‌ر په‌ره‌دان به‌ هاوکاری له‌گه‌ڵ دراوسێکانی به‌ تایبه‌ت ڕووسیا، له‌ داهاتوودا ئه‌مه‌ په‌ره‌ی زیاتریش ده‌سێنێت.

ڕۆحانی وتی: هاوکارییه‌ ئابووری و بازه‌رگانییه‌کانی نێوان دوو وڵات له‌ ئاستێکی یه‌کجار به‌رز و باش دایه‌ و زیاتریشی ده‌که‌ین. سه‌باره‌ت به‌ به‌رجامیش ئێران تاکوو لایه‌نه‌کانی دیکه‌ پێبه‌ند بن به‌ به‌رجام ئه‌م ڕێککه‌وتنه‌ جێبه‌جی ده‌که‌ین، هه‌روه‌ها ئاماده‌یه‌ هه‌موو هاوکارییه‌ ناڤۆکییه‌کانی له‌گه‌ڵ ڕووسیا جێبه‌جێ بکات.

ئه‌و وتی: ئێمه‌ هاوکارییه‌کانی نێوان ئێران و ڕووسیا و سووریا له‌م وڵاته‌ به‌ گرنگ ده‌زانین و هه‌نگاوێکی باشه‌ بۆ سه‌قامگیری زیاتر له‌ ناوچه‌که‌دا. هه‌موو وڵاتانی جیهان ده‌بێت له‌ درێژه‌ی دژایه‌تی کردن له‌گه‌ل تیرۆریسته‌کان هه‌نگاو هه‌ڵبگرن.

لای خۆشیه‌وه‌ پووتین له‌م په‌یوه‌ندییه‌دا جارێکی دیکه‌ پیرۆزبایی هه‌ڵبژاردنه‌وه‌ی ڕۆحانی به‌ سه‌رۆک کۆماری کرد و وتی: پشتیوانی زۆرینه‌ی خه‌ڵکی ئێران له‌ ئێوه‌ نیشانی ده‌دات که‌ خه‌ڵکی ئێران پشتیوانی له‌ هه‌نگاوه‌کانی ئێوه‌ له‌ جیهان و ناوچه‌که‌دا ده‌کات. ڕووسیا پێبه‌ند ده‌بێت به‌ ڕێککه‌وتنه‌ نێونه‌ته‌وه‌ییه‌کان و درێژه‌ به‌ هاوکارییه‌کانی له‌گه‌ڵ ئێران ده‌دات.

ئه‌و زیادی کرد: هاوکارییه‌کانی ئێمه‌ له‌ ناوچه‌که‌ زیاتر په‌ره‌ده‌سێنێت و ئێمه‌ش جارێکی دیکه‌ دژایه‌تی خۆمان بۆ ده‌ستێوه‌ردانی بیانییه‌کان له‌ سووریا دووباره‌ ده‌که‌ینه‌وه‌.

ئه‌و له‌ کۆتاییدا جه‌ختی کرد: ئێمه‌ به‌رده‌وام ئاماژه‌مان داوه‌ که‌ بوونی ئێمه‌ له‌ سووریا له‌ سه‌ر داوای ده‌وڵه‌تی یاسایی سووریا بووه‌ و ئه‌مه‌ش به‌ مه‌به‌ستی شه‌ڕی دژه‌ تیرۆر ئەنجام دراوه.

News Code 10292

نیشانەکان

بۆچوونی ئێوە

You are replying to: .
  • 8 + 10 =