ئێران و ڕووسیا و تورکیا ناوچه‌ که‌م ناکۆکی سووریا دیداری ده‌که‌ن

جێگری وه‌زیری ده‌ره‌وه‌ی ڕووسیا ڕایگه‌یاند که‌ شاره‌زایانی ئێران، ڕووسیا و تورکیا شوێنی ناوچه‌ که‌م ناکۆکه‌کان له‌ سووریا دیاری ده‌که‌ن.

به‌ ڕاپۆرتی ئاژانسی مێهر له‌ ڕاشا توده‌ی، میخائیل بۆگدانۆف، جێگری وه‌زیری ده‌ره‌وه‌ی ڕووسیا و نوێنه‌ری تایبه‌تی سه‌رۆک کۆماری ڕووسیا بۆ کاروباری ڕۆژهه‌ڵاتی ناڤین و باکووری ئه‌فریقا ڕایگه‌یاند: شاره‌زایانی ڕووسیا و ئێران و تورکیا ناوچه‌ی که‌م ناکۆک له‌ سووریا دیاری ده‌که‌ن.

ئه‌و زیادی کرد: به‌ پێی دواین ڕێککه‌وتن له‌ ئاستانه‌ ڕووسیا و ئێران و تورکیا سه‌ره‌تا لێژنه‌یه‌ک بۆ ئه‌م کاره‌ دروست ده‌که‌ن، ئه‌م لێژنه‌یه‌ پێکه‌وه‌ تاوتوێ ده‌که‌ن که‌ کامانه‌ شوێن بۆ جێبه‌جێ کردنی شوێنی که‌م ناکۆک باشتره‌. له‌م شوێنانه‌ شارۆمه‌ندانی سووری ده‌توانن به‌ ئاسانی هات و چووی پێدا بکه‌ن، به‌ڵام تیرۆریسته‌کان ناتوانن.

ئه‌و له‌ کۆتاییدا وتی: هه‌روه‌ها تاکوو ئێسته‌ ئه‌و لایه‌نه‌ی که‌ ده‌بێت گه‌ره‌نتی ئه‌منیه‌تی ئه‌و ناوچانه‌ش بکات دیاری نه‌کراوه‌.

شایانی باسه‌ که‌ وه‌زاره‌تی به‌رگری ڕووسیا پێشتر چوار ناوچه‌ی له‌ سووریا وه‌ک ناوچه‌ی که‌م ناکۆک ناساندبوو، که‌ بریتی بوون له‌ ئه‌دله‌ب، لازقییه‌، حه‌ڵه‌ب و حه‌ما، به‌ڵام تاکوو ئێسته‌ به‌ فه‌رمی له‌ سه‌ر ئه‌م بابه‌ته‌ هیچ ڕێککه‌وتنێک نه‌کراوه‌. 

هه‌روه‌ها ناوچه‌کانی حومس، ده‌میشق و ناوچه‌کانی سه‌ر سنووری ئه‌ردۆن وه‌ک ناوچه‌ی که‌م ناکۆک ئاماژه‌یان پێکراوه‌. له‌ چواره‌مین خولی دانوستانه‌کانی ئاستانه‌ ڕووسیا و ئێران و تورکیا ڕێککه‌وتنێکیان واژۆ کرد که‌ به‌ پێی ئه‌م ڕێککه‌وتنه‌ ناوچه‌ی که‌م ناکۆک له‌ سووریا دیاری ده‌کرێت و بڕیار وایه‌ که‌ له‌م شوێنانه‌دا ئاستی شه‌ڕ و ناکۆکییه‌کان که‌م بکرێته‌وه‌.

News Code 10278

نیشانەکان

بۆچوونی ئێوە

You are replying to: .
  • 3 + 11 =