په‌که‌که‌ چیای ته‌ندۆرک له‌ سنووری ئێرانی کۆنترۆڵ کردووه‌

سلێمان سۆیلۆ ڕایگه‌یاند که‌ سوپای تورکیا یه‌کێک له‌ گه‌وره‌ترین ئۆپراسیۆنه‌ سه‌ربازییه‌کانی ۳۰ ساڵی ڕابردووی له‌ دژی په‌که‌که‌ له‌ ناوچه‌ی ته‌ندرۆک ئه‌نجام ده‌دات.

به‌ ڕاپۆرتی ئاژانسی مێهر له‌ دۆغان، سلێمان سۆیلۆ، وه‌زیری ناوخۆی تورکیا له‌ میانه‌ی لێدوانێکیدا خۆی ئاماژه‌ی به‌ ئۆپراسیۆنی سه‌ربازی ئه‌م دواییه‌ی تورکیا له‌ چیای ته‌ندۆرک کرد و وتی: یه‌ک مانگ به‌ر له ئێستا له‌ ڕێگه‌ی هه‌واڵگری تورکیاوه‌ زانیاریمان پێگه‌یشت که‌ له‌ ڕێگه‌ی سنووره‌کانی ئێرانه‌وه‌ گرووپێکی گه‌وره‌ی په‌که‌که‌ چیای ته‌ندۆرکیان کۆنترۆڵ کردووه‌.

ئه‌و زیادی کرد: دوای لێکۆڵینه‌وه‌ی ورد، دوو ڕۆژ پێش ئێستا و له‌ کاتژمێر ۴ی ئێواره‌ به‌ کاتی ناوچه‌یی تورکیا هێزه‌ سه‌ربازییه‌کانی تورکیا ئۆپراسیۆنێکی گه‌وره‌یان له‌م ناوچه‌یه‌ ده‌ست پێ کردووه‌. ئه‌م ئۆپراسیۆنه‌ تاکوو دوێنێ شه‌و درێژه‌ی هه‌بوو.

ئه‌و هه‌روه‌ها پاگه‌نده‌ی کرد که‌ له‌م ئۆپراسیۆنه‌دا ۳۰ ئه‌ندامی په‌که‌که‌ و ۵ هێزی سه‌ربازی تورکیا کوژراون. ئه‌م ئۆپراسیۆنه‌ ڕاسته‌وخۆ له‌ ناوه‌ندی سه‌ربازی تورکیاوه‌ کۆنترۆڵ ده‌کرێت. ئێمه‌ شه‌ڕێکی زۆر سه‌ختمان بۆ کۆنترۆڵ کردنی دووباره‌ی ئه‌م چیایه‌ ده‌ست پێ کردووه‌.

شایانی باسه‌ که‌ چیای ته‌ندۆرک له‌ ڕووی جوگڕافییه‌وه‌ ناوچه‌کانی ئاگری و دۆغۆ بایزیت و قاره‌س پێکه‌وه‌ ده‌به‌ستێته‌وه‌ و بۆ سوپای تورکیا و هێزه‌کانی په‌که‌که‌ گرنگییه‌کی یه‌کجار زۆری هه‌یه‌. شه‌ڕی کورد و تورک له‌ تورکیا ماوه‌ی ۲ ساڵه‌ ده‌ستی پێ کردووه‌ته‌وه‌ و له‌م نێوانه‌دا هه‌ر دوو لا ئاماری جیاواز له‌ کوژراو و برینداره‌کان و ئۆپراسیۆنه‌کانی خۆیان ڕاده‌گه‌یه‌نن.​

News Code 10275

نیشانەکان

بۆچوونی ئێوە

You are replying to: .
  • 4 + 1 =