حه‌ویجه‌ بووه‌ته‌ پایته‌ختی داعش له‌ عێراق

حه‌شدی شه‌عبی له‌ ڕۆژئاوای موسڵ و له‌ سنووری سووریا پێشڕه‌وی باشی کردووه‌ و له‌ لایه‌کی دیکه‌وه‌ پارێزگاری که‌رکووک هۆشداری دا که‌ حه‌ویجه‌ بووه‌ته‌ پایته‌ختی داعش له‌ عێراق.

به‌ ڕاپۆرتی ئاژانسی مێهر له‌ ئه‌لنه‌هره‌ین، سه‌رچاوه‌ عێراقییه‌کان ڕایانگه‌یاند: باڵەفڕه‌کانی عێراق ۵ ئۆتۆمبیلی بۆمبڕیژکراویان ته‌قانده‌وه‌. ئه‌مه‌ له‌ حاڵێک دایه‌ که‌ فڕۆکه‌ عێراقییه‌کان به‌ سه‌دان ئاگادارینامه‌یان به‌ سه‌ر خه‌ڵکی لای ڕاستی موسڵدا بڵاو کردووه‌ته‌وه‌ تاکوو خۆیان له‌ شوێنه‌ ئه‌منه‌کان حه‌شار بده‌ن.

هه‌روه‌ها فه‌رمانده‌ عێراقییه‌کان داوایان له‌ خه‌ڵکی ناوچه‌ی کۆنی موسڵ کردووه‌ تاکوو هه‌رچی زووتره‌ خۆیان له‌م ناوچه‌یه‌ دوور بخه‌نه‌وه‌ چون شه‌ڕێکی سه‌خت به‌ زوویی ده‌ست پێ ده‌کات.

حه‌شدی شه‌عبیش داوای له‌ خه‌ڵکی گونده‌کانی ده‌ورووبه‌ری شه‌نگال کردووه‌ که‌ به‌ره‌و شوێنه‌ ئه‌منه‌کان بڕۆن، ئه‌م گوندانه‌ بریتین له‌ الزنجیلی، الصحه الاولی، باب سنجار، الشفاء، الفاروق، راس الکور، المیدان، باب الطوب و باب الجدید.

گه‌وره‌ترین ئاسته‌نگی ئێستای ئۆپراسیۆنی ئازاد کردنی موسڵ ئه‌وه‌یه‌ که‌ تیرۆریسته‌کانی داعش له‌ خه‌ڵک وه‌ک قه‌ڵغان سوود ده‌به‌ن و ته‌نانه‌ت ڕێگه‌ش ناده‌ن که‌ خوارده‌مه‌نی پێویست له‌ لایه‌ن ناوه‌نده‌ نێونه‌ته‌وه‌ییه‌کان به‌ ده‌ستی ئاواره‌کان بگات.

له‌ دوایین پێشڕه‌وییه‌کانی حه‌شدی شه‌عبی ئه‌م هێزانه‌ توانیان گونده‌کانی قبه الوهبی، ارفیع، ارفیع الاول و املیحات  ئازاد بکه‌ن.

هه‌روه‌ها له‌ لایه‌کی دیکه‌وه‌ نه‌جمه‌دین که‌ریم، پارێزگاری که‌رکووک ڕایگه‌یاند که‌ داعش پایته‌ختی خه‌لافه‌ته‌که‌ی خۆیی له‌ موسڵ بۆ حه‌ویجه‌ له‌ لای ڕاستی که‌رکووک گواستووه‌ته‌وه‌ و ئه‌مه‌ش مه‌ترسییه‌کی گه‌وره‌یه‌ بۆ سه‌ر که‌رکووک.

نه‌جمه‌دین که‌ریم داوای کردووه‌ هه‌رچی زووتره‌ شاری حه‌ویجه‌ ده‌بێت ئازاد بکرێت.

News Code 10268

نیشانەکان

بۆچوونی ئێوە

You are replying to: .
  • 1 + 16 =