۳ سه‌ربازی ئه‌مریکایی له‌ ئه‌فغانستان چه‌کیان به‌ داعش فرۆشتووه‌

وه‌زاره‌تی ده‌ره‌وه‌ی ڕووسیا ڕاگه‌یاند که‌ پشتیوانی مسکۆ له‌ تاڵەبان له‌ ئه‌فغانستان ڕاست نییه‌، به‌ڵکوو سه‌ربازه‌کانی ئه‌مریکا له‌م وڵاته‌ چه‌ک به‌ داعش ده‌فرۆشن.

به‌ ڕاپۆرتی ئاژانسی مێهر له‌ ئۆفۆق، وه‌زاره‌تی ده‌ره‌وه‌ی ڕووسیا ڕایگه‌یاند که‌ به‌ پێی ئه‌م زانیاریانه‌ی ده‌ست ڕووسه‌کان که‌وتووه‌ ۳ سه‌ربازی ئه‌مریکایی که‌ بڕێک چه‌کیان له‌گه‌ڵ بووه‌ له‌ ناوچه‌ی سه‌رپێلی ئه‌فغانستان ده‌ستیگر بوون، هه‌روه‌ها له‌م ناوچه‌دا چه‌ندین ئه‌ندامی داعش به‌ بڕێک پاره‌وه‌ ده‌ستگیر بوون که‌ ده‌یانویست ئه‌م چه‌کانه‌ له‌ ئه‌مریکاییه‌کان بکڕن.

شایانی باسه‌ که‌ ئه‌مریکا به‌ مه‌به‌ستی شاردنه‌وه‌ی هه‌ڵه‌کانی ۱۶ ساڵی ڕابردووی خۆی له‌ ئه‌فغانستان، به‌رده‌وام مسکۆ تۆمەتبار ده‌کات که‌ پشتیوانی دارایی و ته‌قه‌مه‌نی له‌ تاڵەبان ده‌کات.

له‌ درێژه‌ی ئه‌م هه‌واڵه‌دا هاتووه‌ که‌ ده‌وڵه‌تی ئه‌فغانستان به‌ڵێنی داوه‌ که‌ مسکۆ تۆمەتبار به‌ هاوکاری تاڵەبان نه‌کات، به‌ڵام بڕێک له‌ ئه‌ندامانی پارلمانی ئه‌فغانستان به‌رده‌وام ئه‌م بابه‌ته‌ دورژێنن.

شایانی باسه‌ که‌ پێشتر چه‌ندین ڕاپۆرت بڵاو کرایه‌وه‌ که‌ به‌رپرسانی ناوچه‌یی ئه‌فغانستان ڕایانگه‌یاندبوو که‌ مسکۆ له‌ ڕووی سه‌ربازی و چه‌که‌وه‌ یارمه‌تی تاڵەبانه‌کان ده‌دات.

له‌م ڕاپۆرتانه‌دا هاتووه‌ که‌ له‌ سنووری ئه‌فغانستان و تاجیکستان دوو باڵه‌فڕی ڕووسی نیشتوونه‌ته‌وه‌ که‌ ڕاوێژکارانی سه‌ربازی ڕووسیا و بڕه‌ چه‌کێکی زۆری تێدا بووه‌.

به‌ڵام وه‌زاره‌تی ده‌ره‌وه‌ی ڕووسیا ئه‌م بابه‌ته‌ی ڕه‌ت کردووه‌ته‌وه‌ و ڕایگه‌یاندووه‌ که‌ ئه‌م هه‌واڵه‌ بۆ خڵه‌تاندنی ڕای گشتی له‌ جیهاندا بڵاو بووه‌ته‌وه‌.

News Code 10228

نیشانەکان

بۆچوونی ئێوە

You are replying to: .
  • 5 + 0 =