په‌یامی ماته‌مینی  نوێنه‌ری کورستانی بۆ کۆچی نه‌وشیروان مستەفا

دوکتور سه‌ید مه‌هدی فه‌رشادان، سه‌رۆکی مه‌کۆی نوێنه‌رانی کوردستانی ئێران له‌ مه‌جلیسی شۆرای ئیسلامی ئێران، له‌ میانه‌ی په‌یامێکدا سه‌رخۆشی له‌ کۆچی دوایی نه‌وشیروان مسته‌فا کرد.

به‌ ڕاپۆرتی ئاژانسی مێهر،  دوکتور سه‌ید مه‌هدی فه‌رشادان، نوێنه‌ری خه‌ڵکی سنه‌, دیواندرە و کامیاران له‌ مه‌جلیسی شۆرای ئیسلامی ئێران، له‌ میانه‌ی په‌یامێکدا سه‌رخۆشی له‌ کۆچی دوایی نه‌وشیروان مسته‌فا کرد.

به‌ پێی ئه‌م ڕاپۆرته‌ له‌م په‌یامه‌دا هاتووه‌: هه‌واڵی کۆچی دوایی کاک نه‌شیروان مسته‌فا و شوێنی خاڵی ئه‌م سیاسه‌توانه‌ گه‌وره‌ی کورد له‌ ساحه‌ی سیاسی کوردستانی عێراق جێگه‌ی داخ و په‌ژاره‌یه‌کی زۆره‌.

له‌ درێژه‌ی ئه‌م په‌یامه‌دا هاتووه‌: ناوی کاک نه‌شیروان وه‌بیرهێنه‌ره‌وه‌ی خه‌باگێڕ، نووسه‌ر، ساده‌یی و هه‌ژرانه‌ ژیان کردن و سه‌ربه‌خۆیی سیاسی بوو، ئه‌و که‌سایه‌تییه‌ی که‌ دژ به‌ سته‌مکاری سه‌دام حسه‌ین بێ وچان تێکۆشا.

سه‌رۆکی مه‌کۆی نوێنه‌رانی کوردستانی ئێران له‌ کۆتاییدا ئاماژه‌ی داوه‌ که‌ من وه‌ک نوێنه‌ری شاره‌کانی سنه‌، دیوانده‌ره‌ و کامیاران له‌ مه‌جلیسی شۆرای ئیسلامی ئێران هاوخەمی  و پرسه‌ی خۆم ئاڕاسته‌ی بنه‌ماڵه‌ی کاک نه‌وشیروان، خه‌ڵکی هه‌رێمی کوردستان، بزوتنه‌وه‌ی گۆڕان و به‌رپرسانی سیاسی هه‌رێم ده‌که‌م و هیوادارام خوای گه‌وره‌ سه‌بر و تاقه‌ت به‌ بنه‌ماڵه‌ی ئه‌م خوالێخۆشبووە ببه‌خشێت.

News Code 10223

نیشانەکان

بۆچوونی ئێوە

You are replying to: .
  • 1 + 11 =