ته‌نیا سه‌رمایه‌دانه‌ری له‌ ناوچە سنوورییه‌کان چاره‌ی قاچاخ ده‌کات

به‌ڕێوبه‌ری گشتی ئیداره‌ی کالای قاچاخ له‌ پارێزگای کوردستان وتی: سه‌رمایه‌دانه‌ری و به‌هێز کردنی به‌رهه‌م هێنان و دروست کردنی کارگه‌ له‌ شاره‌ سنوورییه‌کان ده‌توانێت کێشه‌ی قاچاخ چاره‌سه‌ر بکات.

به‌ ڕاپۆرتی ئاژانسی مێهر، محه‌مه‌د ئه‌ڵامورادی سه‌باره‌ت به‌ کێشه‌ی قاچاخ له‌ سنووره‌کان به‌ ئاژانسی مێهر وتی: تاکوو ئێسته‌ پێوه‌ره‌ێکی دروست بۆ قاچاخ نه‌کراوه‌ه، هه‌وروه‌ها بۆ کۆنترۆڵی ئه‌م بابه‌ته‌ سه‌رمایه‌دانه‌ری باش نه‌کراوه‌ و ئه‌مه‌ش بۆ ڕوانه‌گه‌ی به‌ڕێوه‌به‌ری ئێمه‌ ده‌گه‌ڕێته‌وه‌.

ئه‌و زیادی کرد: له‌ شاره‌ سنوورییه‌کانی ئێمه‌ قاچاخچی بوون بووه‌ته‌ شتێکی بایه‌خدار، واتا له‌ سه‌ر سنووره‌کان قاچاخ کردن وه‌ک کار و پیشه‌یه‌ک سه‌یر ده‌کرێت نه‌ک کارێکی نایاسایی ئه‌مه‌ش به‌ هۆی نه‌بوونی هه‌لی کار له‌م ناوچانه‌یه‌.

ئه‌ڵامورادی جه‌ختی کرد: له‌ هه‌موو جیهاندا بۆ ئه‌وه‌ی سنووره‌کان هه‌م ئاستی ئه‌منیان به‌رز بێته‌وه‌ و هه‌م کاری قاچاخی تێدا نه‌کرێت، سه‌رمایه‌دانه‌ری باشی تێدا ده‌کرێت، ئه‌مه‌ش وڵامی داوه‌ته‌وه‌ و که‌سێک که‌ هه‌لی کاری باشی هه‌بێت ناکه‌وێته‌ دوای کاری قاچاخ. کاتێک دانیشتوانی سنووره‌کان له‌ ڕووی ئابووریه‌وه‌ دابین بکرێن و خۆیان خاوه‌ن به‌رهه‌م بن ڕێگه‌ به‌ هاتنی به‌رهه‌می بیانی ده‌گرن.

ئه‌و وتی: له‌ ئێستادا ئێمه‌ بۆ کۆنترۆڵی سنووره‌کان پاره‌ سه‌رف ده‌که‌ین، ئه‌گه‌ر ئه‌م تێچووه‌ له‌ کارگه‌ و به‌رهه‌م هێنان سه‌رف بکه‌ین زۆربه‌ی کێشه‌کان یه‌ک له‌ دوای یه‌ک چاره‌سه‌ر ده‌بن. بۆ ده‌بێت ئه‌م هه‌موو تێچووه‌ سه‌رفی کۆنترۆڵ کردن بکرێت و یه‌ک له‌ دوای یه‌ک بازگه‌ دابنین، با سه‌فری کارگه‌ دروست کردن بکرێت و هه‌لی کار بۆ بێکاره‌کان بڕه‌خسێت.

ئه‌ڵامورادی ئاماژه‌ی به‌ کۆڵبه‌ری کرد وتی: شاره‌ سنوورییه‌کانی کوردستان شاخاوییه‌، جاده‌ و بانی نییه‌، ئاساییه‌ کابرا له‌ جێگه‌ی به‌له‌م به‌ کۆڵ خۆی بۆ گواستنه‌وه‌ی که‌ل و په‌له‌کان که‌ڵک ببات. باشه‌ بیمه‌ کردنی کۆڵبه‌ر که‌ی ئه‌م کێشه‌ چاره‌سه‌ر ده‌کات؟ ئه‌مه‌ دیسانه‌وه‌ به‌ فه‌رهه‌نگ کردنی کۆڵبه‌ریه‌ له‌ سنووره‌کان. ده‌بێت هه‌لی کار دروست بکرێت و کوردستان له‌ ڕووی کشت و کاڵی و کانگاوه‌ توانی زۆر باشی هه‌یه‌ تاکوو سه‌رمایه‌دانه‌ری تێدا بکرێت و هه‌لی کاری تێدا بڕه‌خسێت.

به‌ڕێوبه‌ری گشتی ئیداره‌ی کالای قاچاخ له‌ کوردستان له‌ کۆتایدا جه‌ختی کرد که‌ به‌ داخه‌وه‌ هه‌موو هه‌وڵه‌کانی ده‌وڵه‌ت تاکوو ئێسته‌ بۆ ئه‌وه‌ بووه‌ که‌ بۆ ماوه‌یه‌کی کورت کێشه‌که‌ سڕ بکات، له‌ حاڵێکدا ئێمه‌ پێویستمان به‌ چاره‌سه‌ری دروست و درێژخایه‌ن هه‌یه.

News Code 10177

نیشانەکان

بۆچوونی ئێوە

You are replying to: .
  • 4 + 2 =