دۆخی نائاسایی لە تورکیا بەردەوام دەبێت

سه‌رۆک کۆماری تورکیا له‌ وڵامی ئه‌م پرسیاره‌ که‌ بۆچی دوای دوو ساڵ دۆخی نائاسایی له‌ تورکیا کۆتایی پێنایه‌ت، وتی: تاکوو ئاشتی له‌ تورکیا به‌ ته‌واوی جێگیر نه‌بێت، ئه‌م دۆخه‌ سه‌ربازیی و ئه‌منییه‌ بەردەوام دەبێت.

به‌ ڕاپۆرتی ئاژانسی مێهر له‌ حوڕیه‌ت ده‌یلی، ڕه‌جه‌ب ته‌یب ئه‌رۆدغان، سه‌رۆک کۆماری تورکیا جه‌ختی کرد که‌ دۆخی نائاسایی و ئه‌منی له‌ تورکیا به‌رده‌وام ده‌مێنێته‌وه‌، مه‌گه‌ر ئه‌وه‌ی به‌ ئاگربڕ بگه‌ین.

ئه‌ردۆغان بێ ئه‌وه‌ی ئاماژه‌ به‌م بابه‌ته‌ بکات که‌ ڕاگه‌یاندنی دۆخی نایاسایی له‌ وڵاتانی ئه‌ورووپا ته‌نیا بۆ ماوه‌ی چه‌ند ڕۆژێکه‌، له‌مباره‌وه‌ وتی: بۆ له‌ فه‌ڕه‌نسا دوای په‌یا بوونی ۱۵ تیرۆریست دۆخی نائاسایی ڕاده‌گه‌یه‌ندرێت، به‌ڵام له‌ تورکیا نابێت ببێت. له‌ تورکیا که‌سانێک هه‌وڵ ده‌ده‌ن ئه‌م دۆخه‌ لاببرێت، ئه‌مه‌ له‌ حاڵێک دایه‌ که‌ ئێمه‌ له‌ کوده‌تاکه‌ی ساڵی ۲۰۱۶دا، ۲۴۹ کوژراو و ۲۱۹۳ بریندارمان بووه‌. بۆچی داوای پووچه‌ڵ کردنه‌وه‌ی دۆخی ئه‌منی ده‌که‌ن؟ ئامانجتان چییه‌ له‌م داواکارییه‌؟

ئه‌و جه‌ختی کرد: تاکوو ئه‌و کاته‌ی به‌ ئاشتی نه‌گه‌ین، ئه‌م دۆخه‌ ئه‌منی و سه‌ربازییه‌ له‌ تورکیا درێژه‌ی ده‌بێت.

ئه‌ردۆغان ئه‌م قسانه‌ی له‌ میانه‌ی به‌شداری کردن له‌ کۆنگره‌ی حزبه‌که‌یدا ئه‌نجام دا که‌ دووباره‌ به‌ سه‌رۆکی ئاک پارتیش هه‌ڵبژێردرایه‌وه‌.

له‌ دوای کوده‌تاکه‌ی ۲۰ی جولای ۲۰۱۶وه‌ دۆخی نایاسایی و ئه‌منی له‌ تورکیا سه‌پاوه‌ و ئه‌ردۆغان ئاماده‌ نییه‌ ئه‌م دۆخه‌ پووچه‌ڵ بکاته‌وه‌ چون له‌ به‌ بیانۆی کوده‌تا و دۆخی نائاسایی ده‌توانێت هه‌ر که‌س دژی بێت ده‌ستگیری بکات یان له‌ کار کردن دووری بخاته‌وه‌.

News Code 10165

نیشانەکان

بۆچوونی ئێوە

You are replying to: .
  • 6 + 3 =