یه‌که‌مین پێشانگای وێنه‌ی پیشه‌کانی کۆنی سنه‌ به‌ڕێوه‌ ده‌چێت

یه‌که‌مین پێشانگای وێنه‌ی پیشه‌کارانی کۆنی سنه‌ له‌ گه‌له‌ری شاره‌وانی شاری به‌ڕێوه‌ ده‌چێت.

به‌ ڕپاۆرتی ئاژانسی مێهر، یه‌که‌مین پێشانگای وێنه‌ی پیشه‌کارانی کۆنی سنه‌ له‌ گه‌له‌ری شاره‌وانی شاری به‌ڕێوه‌ ده‌چێت.

به‌ پێی ئه‌م ڕاپۆرته‌، ئه‌م پێشانگایه‌ له‌ ژێر ناوی "پیشه‌ کۆنه‌کانی شاری سنه‌" به‌ڕێوه‌ ده‌چێت و وێنه‌ی پیشه‌کارانی کۆنی سنه‌ و کار و بار و ئامێره‌کانی ئه‌وانی تێیدا نمایش ده‌کرێت.

ئه‌م پێشانگایه‌ له‌ یه‌که‌م تاکوو ۶ی جۆزه‌ردان له‌ گه‌له‌ر شاره‌وانی شاری سنه‌ به‌ڕێوه‌ ده‌چێت و به‌شداری بۆ هه‌مووان ئازاده‌.

پیشه‌ کۆنه‌کانی سنه‌ بریتییه‌ له‌ زنجیره‌یه‌ک پیشه‌ی کۆنی خه‌ڵکی شاری سنه‌ که‌ له‌ لایه‌ن فه‌ره‌یدون حسه‌ین په‌ناهییه‌وه‌ له‌ کۆی ۶۰ جڵد کتێب له‌ چاپ ده‌درێت. تکاوو ئێسته‌ دوو به‌شی ئه‌م کتێبه‌ له‌ ژێر ناوی "ئاسنگه‌ری" و "مسگه‌ری" نووسراوه‌ته‌وه‌ و ڕه‌وانه‌ی بازاڕی کتێب کراوه‌.

فه‌ریدون حسه‌ین په‌ناهی تاکوو ئێسته‌ چندین کاری لێکۆڵینه‌وه‌ و فیلمی دێکۆمێنتاری له‌سه‌ر پیشه‌ کۆنه‌کانی شاری سنه‌ ئه‌نجام داوه‌ و ئه‌م پێشانگایه‌ش ئه‌و وێنانه‌ له‌ خۆ ده‌گرێت که‌ ئه‌م نووسه‌ره‌ کورده‌ له‌ سه‌ر پیشه‌ کوردییه‌کان کۆی کردووه‌ته‌وه‌.

شایانی باسه‌ که‌ هه‌ر یه‌ک له‌م پیشه‌ کۆنانه‌ به‌شێکه‌ له‌ فه‌رهه‌نگ و که‌لتووری کوردی که‌ له‌ سه‌رده‌می نوێ و به‌ هۆی هاتنی پیشه‌ی نوێ له‌ حاڵی له‌ناوچوونه‌ و حسه‌ین په‌ناهی هه‌وڵێکی زۆری داوه‌ تاکوو به‌ کتێب بیانووسێته‌وه‌ تاکوو له‌ داهاتوودا سودی لێببرێت.

News Code 10158

نیشانەکان

بۆچوونی ئێوە

You are replying to: .
  • 1 + 4 =