سه‌رپێڵ کامڵبای جێگای فیگن یوکسێکداغی گرته‌وه‌

پارتی دیموکڕاتیکی گه‌لان دوای به‌ڕێوه‌ بردنی کۆنگره‌ "سه‌رپێڵ کامڵبای"ی به‌ جێگره‌وه‌ی فیگن یوکسێکداغ هه‌ڵبژارد.

به‌ ڕاپۆرتی ئاژانسی مێهر له‌ جومهوریه‌ت، سێهه‌مین کۆنگره‌ی پارتی دیموکڕاتیکی گه‌لان به‌ڕێوه‌ چوو.

به‌ پێی ئه‌م ڕاپۆرته‌، له‌ میانه‌ی ئه‌م کۆنگره‌یه‌دا جێگره‌وه‌ی فیگن یوکسێکداغ، سه‌رۆکی هاوبه‌شی هه‌ده‌په‌ هه‌ڵبژێردرا. هه‌روه‌ها په‌یامی سه‌لاحه‌دین دمیرتاش له‌ زیندانه‌وه‌ له‌م کۆنگره‌دا خوێندرایه‌وه‌.

له‌م په‌یامه‌دا هاتووه‌: باوه‌ڕ و ئیمانی ئێمه‌ هه‌میشه‌ ژیانی ئازاد و پێکه‌وه‌ بوونه‌ له‌ سایه‌ی ئاشتی. ئێمه‌ بۆ گه‌یشتن به‌م ئامانجه‌ نابێت له‌ هه‌نگاوه‌کانمان بکشێینه‌وه‌. ئه‌مه‌ ئازایه‌تی له‌ کاری سیاسه‌ت دایه‌. ئه‌گه‌رچی ڕێککه‌وتنی دۆڵمه‌ باغچه‌ڵه‌ پیشێل کرا به‌ڵام ئێمه‌ به‌ردوامین له‌ هه‌نگاوه‌کانی خۆمان و بێ هیوا نابین.

دمیرتاش جه‌ختی کردووه‌: ئێمه‌ به‌ پێچه‌وانه‌ی خواستی دژبه‌ره‌کانی ئازادی و دیموکڕاسی که‌ لایان وایه‌ به‌ زیندانی کردن ده‌توانن ده‌نگی ئێمه‌ بکوژێننه‌وه‌ ڕاده‌گه‌یه‌نین ئێسته‌ ده‌نگمان زۆر به‌رزتر له‌ ڕابردووشه‌ و درێژه‌ به‌ چالاکی و کاری سیاسی خۆمان ده‌ده‌ین.

له‌م کۆنگره‌دا سه‌رپێڵ که‌ماڵبای به‌ جێگره‌ی یوکسێکداغ هه‌ڵبژێردا، ئه‌و ده‌رچووی به‌شی کیمیایی زانکۆی ئه‌سته‌نبۆڵه‌ و هه‌ر له‌ سه‌ره‌تای دروست بوونی هه‌ده‌په‌ ئه‌ندامی سه‌ره‌کی ئه‌م پارته‌ کوردییه‌ بووه‌.

News Code 10150

نیشانەکان

بۆچوونی ئێوە

You are replying to: .
  • 2 + 2 =