سه‌ره‌خۆشی سه‌ردار قاسم سلێمانی له‌ مام جه‌لال تاڵه‌بانی

فه‌رمانده‌ی سوپای پاسدارانی شۆڕشی ئیسلامی ئێران له‌ په‌یامێکدا بۆ مام جه‌لال تاڵه‌بانی، سکرتێری گشتی یه‌کێتی نیشتیمانی کوردستان سه‌ره‌خۆشی کۆچی دوایی نوشیروان مسته‌فای کرد.

 به‌ ڕاپۆرتی ئاژانسی هه‌واڵی مێهر، سه‌ردار قاسم سلێمانی، له‌و په‌یامه‌دا نوشیروان مسته‌فای به‌ یاری دێرینی مام جه‌لال له‌ شه‌ڕی دژ به‌ دیکتاتۆری ناوبردووه‌.

ده‌قی په‌یامه‌که‌ی سه‌ردار قاسم سلێمانی به‌م شێوه‌ بڵاوبووه‌ته‌وه‌:

به‌ڕێز جه‌نابی مام جه‌لال تاڵه‌بانی ڕێبه‌ری ماندوویی نه‌ناسی یه‌کێتی نیشتیمانی کوردستان، هه‌واڵی کۆچی دوایی سیاسه‌توانی دژه‌ دیکتاتۆریی سه‌رده‌می شه‌ڕی سه‌دام و یار و هه‌ڤاڵی له‌مێژینه‌ی جه‌نابتان، کۆچکردوو نوشیروان مسته‌فا، بووه‌ هۆی خه‌م و په‌ژاره‌.

له‌ لایه‌ن خۆمه‌وه‌ کۆچی ئه‌م خه‌باتگێڕه‌ له‌ ئێوه‌ و بنه‌ماڵه‌ی به‌رێزی نوشیروان مسته‌فا سه‌ره‌خۆشی ده‌که‌م و له‌ خودای گه‌وره‌ داواکارم ئه‌و کۆچکردووه‌ ببه‌خشێ و بۆ به‌جێماوان و هه‌ڤاڵانی داوای سه‌بووری ده‌که‌م.

قاسم سلێمانی

News Code 10141

نیشانەکان

بۆچوونی ئێوە

You are replying to: .
  • 3 + 0 =