سپاسی به‌شداری خه‌ڵکی کوردستان له‌ هه‌ڵبژاردنه‌کان ده‌که‌م

نوێنه‌ری ڕێبه‌ری باڵای ئێران له‌ کوردستان ڕایگه‌یاند که‌ به‌شداری خه‌ڵكی کوردستان له‌ هه‌ڵبژاردنه‌کان زۆر باش بووه‌ و سپاسی ئه‌م حیماسه‌ته‌ ده‌کات.

به‌ ڕاپۆرتی ئاژانسی مێهر، ئایه‌توڵا سه‌ید محه‌مه‌د حسه‌ینی شاهرودی، نوێنه‌ری ڕێبه‌ری باڵای ئێران له‌ کوردستان ڕایگه‌یاند که‌ به‌شداری خه‌ڵكی کوردستان له‌ هه‌ڵبژاردنه‌کان زۆر باش بووه‌ و سپاسی ئه‌م حیماسه‌ خولقاندنەیان ده‌کەم.

ئه‌و له‌ میانه‌ی ڕاگه‌یه‌ندراوه‌که‌ی جه‌ختی کرد: به‌شداری به‌ خرۆشی خه‌ڵکی شاره‌کان و گونده‌کان له‌ دوازده‌هومین خولی سه‌رۆک کۆماری و پێنجه‌مین خولی ئه‌نجومه‌نی شاره‌وانی جارێکی دیکه‌ به‌ باشی وڵامی دوژمنانی ئه‌م وڵاته‌ی دایه‌وه‌، خه‌ڵک نیشانیان دا که‌ ئاگادارن و باش ده‌زانن کێ دڵسۆزی ئه‌وانه‌.

شاهرودی له‌ درێژه‌دا نووسی: من له‌ لایه‌ن خۆمه‌وه‌ به‌ پێویستی ده‌زانم که‌ له‌ پێناو ئه‌م به‌شدارییه‌ به‌خرۆشه‌ی خه‌ڵکی کوردستان سه‌ری ڕێز لێنان و سپاس دابگرم. گومانی تێدا نییه‌ که‌ ئه‌م به‌شدارییه‌ گه‌وره‌یه‌ ده‌بێته‌ هۆی ئه‌وه‌ی ئێران ڕۆڵی یه‌کجار گه‌وره‌ی له‌ جیهان و ئاستی نێونه‌ته‌وه‌ییدا بێت.

نوێنه‌ری ڕێبه‌ری باڵای ئێران له‌ پارێزگای کوردستان له‌ کۆتاییدا ئاماژه‌ی دا که‌ هیوادارم به‌رپرسانی ده‌وڵه‌ت ئاوڕی زیاتر له‌ ژیان و دۆخی ئابووری خه‌ڵک له‌ شاره‌کان و گونده‌کان بده‌نه‌وه‌ و ڕۆژ له‌ دوای ڕۆژ زیاتر به‌ره‌و ئامانجه‌ به‌رزه‌کانی شۆڕشی ئیسلامی هه‌نگاو هه‌ڵبگرن.

News Code 10129

نیشانەکان

بۆچوونی ئێوە

You are replying to: .
  • 4 + 13 =