ئه‌مریکا هێزی پشتیوانی بۆ کوردستانی سووریا ده‌نێرێت

ڕادیۆ ئێن پی ئاڕ ڕایگه‌یاند که‌ ئه‌مریکا بڕیاری داوه‌ تاکوو چه‌ند سه‌د هێزی پشتیوانی دیکه‌ بۆ یارمه‌تی گه‌یاندن به‌ هێزه‌ کوردییه‌کانی سووریا ڕه‌وانه‌ی ناوچه‌که‌ بکات.

به‌ ڕاپۆرتی ئاژانسی مێهر، سه‌رۆک کۆماری ئه‌مریکا ڕه‌زایه‌تی به‌ پڕ چه‌ک کردنی ‌هێزه‌ سه‌ربازییه‌کانی کوردی سووریا داوه‌.

ڕادیۆی نه‌ته‌وه‌یی ئه‌مریکا ڕایگه‌یاند که‌ پێنتاگۆن به‌ زوویی ژماره‌یه‌ک زرێپۆش، چه‌کی قورس و ته‌قه‌مه‌نی مۆدێڕن ڕاده‌ستی هێزه‌کانی کوردی سووریا ده‌کات.

ئه‌م کاره‌ش به‌ مه‌به‌ستی پشتیوانی کردن و ئاماده‌کاری ئه‌م هێزانه‌ بۆ هێرش کردنه‌ سه‌ر شاری ڕه‌قه‌ ئه‌نجام ده‌بێت. به‌ پێی ئه‌م ڕاپۆرته‌، ئه‌مریکا هه‌روه‌ها چه‌ند سه‌د هێزی سه‌ربازی ڕه‌وانه‌ی ناوچه‌ کوردنشینه‌کانی سووریا ده‌کات تاکوو پشتیوانی که‌ هێزه‌کانی دیموکڕاتیکی سووریا بکه‌ن.

شایانی باسه‌ که‌ به‌رپرسانی ئه‌مریکا کاتی ده‌قێقی ئازاد کردنی ڕه‌قه‌یان ڕانه‌گه‌یاندووه‌، به‌ڵام ئاماژه‌یان داوه‌ که‌ ئه‌م شه‌ڕه‌ ڕه‌نگه‌ تاکوو یه‌ک ساڵی دیکه‌ش بخایه‌نێت.

تورکیا دژی ئه‌م پلانه‌ی ئه‌مریکایه‌ و به‌ تووندی ڕه‌تی ده‌کاته‌وه‌ که‌ کوردی سووریا پڕچه‌ک بکرێت، به‌ڵام به‌رپرسانی ئه‌مریکا گوێ به‌ داواکارییه‌کانی تورکیا ناده‌ن.

News Code 10128

نیشانەکان

بۆچوونی ئێوە

You are replying to: .
  • 5 + 10 =