نه‌وشیروان مسته‌فا کۆچی دوایی کرد

نەوشیروان مستەفا رێكخەری گشتی بزووتنەوەی گۆڕان ئەمڕۆ هەینی لەشاری سلێمانی كۆچی دوایی كرد.

به‌ ڕاپۆرتی ئاژانسی مێهر له‌ خه‌ندان، شۆڕش حاجی وتەبێژی بزووتنەوەی گۆڕان لە لێدوانێكی رۆژنامەوانیدا ئاماژەی بەوە كرد، نەوشیروان مستەفا كاتژمێر ۸ی بەیانی ئەمڕۆ دوای ململانێیەكی زۆر لەگەڵ نەخۆشی كۆچی دوایی كردووە.

به‌ پێی ئه‌م ڕاپۆرته‌، نەوشیروان مستەفا ساڵی رابردوو بەرەو لەندەن بەڕێكەوت بە مەبەستی وەرگرتنی‌ چارەسەر كردنی پزیشكی‌، رۆژی ۱۳ی ئەم مانگە و دوای زیاتر لە ۸ مانگ، گەڕایەوە شاری سلێمانی.

نەوشیروان مستەفا ساڵی ۱۹۴۴ لە گەڕەكی سەرشەقام-ی سلێمانی لە دایک بووە، قۆناغەكانی خوێندنی هەر لە سلێمانی تەواو كردووە، و ساڵی ۱۹۶۷ كۆلێژی زانستە سیاسییەكانی لە زانكۆی بەغدا تەواو كردووە، سەرەتای حەفتاكان چووەتە نەمسا و ماستەری لە یاسای نێودەوڵەتی لە نەمسا خوێندووە.

نەوشیروان مستەفا یەكێک بووە لە دامەزرێنەرانی یەكێتی نیشتیمانی كوردستان و تا ساڵی ۲۰۰۶ جێگری سكرتێری گشتیی یەكێتیی نیشتمانیی كوردستان بووە.

نەوشیروان مستەفا  لە ساڵی ۲۰۰۶ وازی لە كاری حیزبی لە نێو یەكێتی هێنا و دواتر كۆمپانیای وشەی دامەزراند، ساڵی ۲۰۰۹  بۆ هەڵبژاردنی پەرلەمانی هەرێمیكوردستان لیستی گۆڕانی دروست كرد، دواتریش گۆڕان بووە یەكێک لە پارتە فەرمییەكانی هەرێمی كوردستان.

News Code 10109

نیشانەکان

بۆچوونی ئێوە

You are replying to: .
  • 1 + 3 =