نیگه‌رانی کوردی سووریا له‌ قسه‌کانی ترامپ

ڕاوێژکاری سه‌ربازی هێزه‌کانی دیموکڕاتیکی سووریا وتی: ترامپ له‌ جێگه‌ی هه‌وڵ دان بۆ ئاشتی له‌ تورکیا به‌ڵێنی داوه‌ به‌ تورکیا که‌ هاوکاری شه‌ڕی دژ به‌ په‌که‌که‌ بکات.

به‌ ڕاپۆرتی ئاژانسی مێهر، دۆناڵد ترامپ له‌ میانه‌ی سه‌ردانی ئه‌ردۆغان بۆ واشنتۆن به‌ ئه‌ردۆغانی وتووه‌ که‌ له‌ شه‌ڕی دژ به‌ په‌که‌که‌ یارمه‌تی تورکیا ده‌ده‌ین.

ئه‌مه‌ش بووه‌ته‌ جێگه‌ی نیگه‌رانی به‌رپرسانی سه‌ربازی کوردی سووریا، ناسر حاجی له‌مباره‌وه‌ وتی: قسه‌ کردن له‌مباره‌وه‌ دۆخه‌که‌ ئاڵۆزتر ده‌کات، به‌ڵام کورده‌کان چاوه‌ڕوانی ئه‌وه‌یان ده‌کرد که‌ ترامپ گوشاری زیاتر بخاته‌ سه‌ر تورکیا. تاکوو له‌ هێرش کردن بۆ سه‌ر کوردی سووریا ده‌ست هه‌ڵبگرێت.

ئه‌و زیادی کرد: تورکیا هه‌وڵ ده‌دات ئێمه‌ به‌ داعش بشوبهێنێت. هه‌وڵی ئه‌مریکا بۆ ڕازی کردنی تورکیا شەرعیەتی به‌ دژایه‌تی تورکیا له‌ دژی کورد ده‌دات. ئه‌مریکا ده‌بێت ڕۆڵی ناوبژیوانی له‌ نێوان کورد و تورکدا هه‌بێت.

شایانی باسه‌ که‌ ئه‌مریکا هه‌فته‌ی ڕابردوو چه‌ک و ته‌قه‌مه‌نی قورسی ڕاده‌ستی کوردی سووریا کردووه‌ و ئه‌مه‌ش بووه‌ته‌ هۆی ناڕه‌زایه‌تی تورکیا و ناکۆکییه‌کانی قووڵتر کردووه‌ته‌وه‌.

News Code 10095

نیشانەکان

بۆچوونی ئێوە

You are replying to: .
  • 6 + 0 =