داوام له‌ ڕۆحانی کرد کێشه‌ی بێکاری له‌ کوردستان چاره‌سه‌ر بکات

مامۆستا عه‌بدولڕه‌حمان خودایی، پێش نوێژی هه‌ینی شاری سنه‌، شه‌وی چوارشه‌مه‌ له‌ میانه‌ی ڕاگه‌یه‌ندراوێکدا ئاماژه‌ی دا که‌ ده‌نگ به‌ به‌رده‌وامیی ده‌وڵه‌تی حه‌سه‌ن ڕۆحانی ده‌ده‌م.

به‌ ڕاپۆرتی ئاژانسی مێهر، مامۆستا عه‌بدولڕه‌حمان خودایی، پێش نوێژی هه‌ینی شاری سنه‌ شه‌وی چوارشه‌مه‌ له‌ میانه‌ی ڕاگه‌یه‌ندراوێکدا ئاماژه‌ی دا که‌ ده‌نگ به‌ به‌رده‌وامیی ده‌وڵه‌تی حه‌سه‌ن ڕۆحانی ده‌ده‌م.

به‌ پێی ئه‌م ڕاگه‌یه‌ندراوه‌، مامۆستا خودایی ئاماژه‌ی دا: له‌و ڕووه‌وه‌ که‌ وڵاتی ئیسلامی ئێران له‌م قۆناغه‌ گرنگه‌دا پێوستی به‌ به‌شداری به‌رفراوانی خه‌ڵک هه‌یه‌، خه‌ڵک ده‌بێت به‌ خۆشحاڵی و شادیه‌وه‌ به‌شداری ئه‌م هه‌ڵبژاردنه‌ بکه‌ن.

ئامژه‌شی داوه‌ که‌ خه‌ڵکی کوردستان له‌ ئاستێکی باڵای هۆشیاری دان و جارێکی دیکه‌ ده‌رفه‌ت به‌م ده‌وڵه‌ته‌ ده‌ده‌ن تاکوو کێشه‌کان چاره‌سه‌ر بکات. 

مامۆستا خودایی جه‌ختی کرد: من له‌ چه‌ندین کۆبوونه‌وه‌ له‌گه‌ڵ ڕۆحانی جه‌ختم کردووه‌ که‌ ده‌بێت کێشه‌ی بێکاری شاری سنه‌ و دابین کردنی کورسی زمانی کوردی جێبه‌جێ بکرێت، به‌ڵام وه‌ها بڵاو کراوه‌ته‌وه‌ که‌ من دژی ئه‌م شتانه‌م و ئه‌مه‌ دووره‌ له‌ ڕاستی.

له‌ کۆتاییدا هاتووه‌: من له‌ کانی دڵمه‌وه‌ ڕێز له‌ هه‌موو به‌ربژاره‌کان ده‌گرم و داوا ده‌که‌م هه‌ر که‌س بووه‌ سه‌رۆک کۆمار کێشه‌کانی خه‌ڵک و بێکاری چاره‌سه‌ر بکات. من به‌ش به‌ حاڵی خۆم ده‌نگ به‌ دوکتور حه‌سه‌ن ڕۆحانی ده‌ده‌م.

News Code 10086

نیشانەکان

بۆچوونی ئێوە

You are replying to: .
  • 8 + 9 =