۱۳۸۲ بازگه‌ی ده‌نگدان له‌ کوردستان جێگیر کراوه‌

به‌رپرسی هه‌ڵبژاردنه‌کانی پارێزگای کوردستان ڕایگه‌یاند که‌ ۱۳۸۲ بازگه‌ی ده‌نگدان له‌ کوردستان جێگیر کراوه‌.

به‌ ڕاپۆرتی ئاژانسی مێهر، عه‌لیڕه‌زا ئاشناگه‌ر، به‌رپرسی هه‌ڵبژاردنه‌کانی پارێزگای کوردستان ڕایگه‌یاند که‌ ۱۳۸۲ بازگه‌ی ده‌نگدان له‌ کوردستان جێگیر کراوه‌.

ئه‌و زیادی کرد: له‌م ژماره‌یه‌ ۵۱۸ بازگه‌ له‌ شاره‌کان و ۸۶۴ بازگه‌ش له‌ گونده‌کان ڕێکخراوه‌. له‌م ژماره‌یه‌ ۵۸۴ سه‌ندووقیان گه‌ڕۆکه‌ و له‌ نێو چه‌ندین گوند ده‌گه‌ڕێت، ئه‌مه‌ش به‌م هۆیه‌یه‌ که‌ ئه‌م گوندانه‌ دووره‌ ده‌ستن و بۆ هه‌ر چه‌ند گوندێک به‌ یه‌که‌وه‌ یه‌ک سه‌ندووقی گه‌ڕۆکمان داناوه‌.

ئاشناگه‌ر وتی: ئه‌م خوله‌، ته‌نیا له‌ دوو شاری سنه‌ و سه‌قز ده‌نگدان به‌ شێوه‌ی ئه‌لکترۆنیکی به‌ڕێوه‌ ده‌چێت. سه‌رجه‌م ۲۳۱ بازگه‌ی ئه‌کترۆنیکی بۆ ئه‌م دوو شاره‌ دابین کراوه‌.
ئه‌و سه‌باره‌ت به‌ هه‌ڵبژاردنه‌کان وتی: به‌ پێی ئاماره‌کانی ساڵی ۱۳۹۵، له‌ کوردستان یه‌ک ملیۆن و ۱۶۷ هه‌زار و ۲۷۷ که‌س ده‌توانێت به‌شداری هه‌ڵبژاردنه‌کان بکات که‌ له‌م ڕێژه‌یه‌ ۲۸ هه‌زار و ۳۲۲ که‌سیان یه‌که‌م جاره‌ که‌ ده‌نگ ده‌ده‌ن.

به‌رپرسی هه‌ڵبژاردنه‌کانی پارێزگای کوردستان زیادی کرد: سه‌رجه‌م کورسی ئه‌نجومه‌نه‌ خۆجێیه‌کانی کوردستان بریتین له‌ ۴۱۶۷ کورسی که‌ ۱۶۱ کورسیان هی شۆرای شارە  و ۴۰۰۶ کورسیشیان هی گونده‌کانه‌. له‌م ڕووه‌وه‌ گونده‌کانی کوردستان ڕێژه‌ی ئه‌نجومه‌نی خۆجێی و به‌ڕێوه‌به‌ریان زیاتر له‌ شاره‌کانه‌ و ئه‌مه‌ش بۆ ئه‌وه‌ ده‌گه‌ڕێته‌وه‌ که‌ گونده‌کانی کوردستان ئاوادانه‌ و خه‌ڵێکی زۆر تێیدا ده‌ژین.

ئه‌و له‌ کۆتاییدا جه‌ختی کرد که‌ بێجگه‌ له‌ هه‌ڵبژاردنی سه‌رۆک کۆمار، له‌ ڕۆژی ۲۹ گوڵان خه‌ڵکی پارێزیاگی کوردستان ئه‌ندامانی شۆرای  ۲۹ شار و ۱۳۱۲ گوند بۆ ماوه‌ی چوار ساڵی دیکه‌ هه‌ڵده‌بژێرن.
شایانی باسه‌ که‌ سه‌رجه‌م ۹۹۷۲ که‌س خۆیان بۆ ڕکابه‌ری کورسییه‌کانی شۆرای شار و گونده‌کان ناونووسی کردووه‌ که‌ ۱۲۵۸ که‌سیان بۆ شاره‌کانن و ۷۹۷۲ که‌سی دیکه‌شیان بۆ کورسی گونده‌کان ڕکابه‌ری ده‌که‌ن.
 

News Code 10071

نیشانەکان

بۆچوونی ئێوە

You are replying to: .
  • 3 + 6 =