ئێران نازناوی "شاری کڵاش " به‌ شارێکی کوردی ده‌به‌خشێت

ڕێکخراوی فه‌رهه‌نگی، پیشه‌ی ده‌ستی و گه‌شتیاری ئێران له‌ دوایین چالاکییه‌کانی خۆی بۆ زیندوو کردنه‌وه‌ی فه‌رهه‌نگی که‌مینه‌کانی ئێران، نازناوی "شاری کڵاش چنین"ی به‌ نۆدشه‌ی کرماشان به‌خشی.

به‌ ڕاپۆرتی ئاژانسی مێهر، ئێوارەی دوێنێ سێشەممە ١٦/٥/٢٠١٧، ڕێکخراوی فه‌رهه‌نگی، پیشه‌ی ده‌ستی و گه‌شتیاری ئێران له‌ دواین چالاکییه‌کانی خۆی بۆ زیندوو کردنه‌وه‌ی فه‌رهه‌نگی که‌مینه‌کانی ئێران، نازناوی "شاری کڵاش چنین"ی به‌ نۆدشه‌ی کرماشان به‌خشی.

ئه‌م ڕێکخراوه‌یه‌ ڕایگه‌یاند: شاری نۆدشەی سەر بە پارێزگای کرماشان لە کێبڕکێیەکدا لەگەڵ پارێزگای کوردستان و چەند شارێکی دیکە بۆ تۆمار کردنی نازناوی شاری "کڵاش چنین" سەرکەوتنی بەدەست هێنا.

بەڕێوبەری گشتی ئیداره‌ی فەرهەنگی، پیشه‌ی ده‌ستی و گه‌شتیاری پارێزگای کرماشان لەمباره‌وه‌ وتی: شاری نۆدشە بە هۆی چنینی باشترین "کڵاش" بەسەر شارەکانی دیکەدا سەرکەوتوو بووە و نازناوی باشترین دروستکەری جۆری کڵاشی پێبه‌خشراوه‌.

ئه‌و زیادی کرد: لە کێبڕکێیەکەدا تاقیکارییەکان لەسەر داهێنان و جۆراوجۆری و  ڕەنگ و  قەبارەی کڵاشی"منداڵان و ژنان و پیاوان" ئەنجام دراوە و  ڕێژە و بوونی ئەو پیشەیە کراوە بە پێوەر بۆ دیاری کردنی باشترین شاری کڵاش چنین.

ئه‌و له‌ کۆتاییدا وتی: به‌پێی ئەنجامەکان له‌ شاری نۆدشە زیاتر لە ٢٠٠٠ کەس سەرقاڵی پیشەی چنینی کڵاشن، هه‌ر بۆیە ئەو شارە وەکوو شاری کڵاش لە تۆماری میللی، تۆمار کراوە.

شایانی باسه‌ که‌ ده‌وڵه‌تی ڕۆحانی له‌ چه‌ند ساڵی ڕابردوودا چه‌ندین سرمایه‌دانه‌ری گه‌وره‌ی له‌ که‌رتی گه‌شتیاری شاره‌ کوردنشینه‌کانی ئێران ئه‌نجام داوه‌ و ئامانجی ئه‌م سه‌رمایه‌دانه‌ریه‌ش په‌ره‌دان به‌ که‌رتی گه‌شتیاری کوردستان و ڕه‌خساندنی هه‌لی کار له‌ ناوچه‌که‌ دایه‌.

News Code 10064

نیشانەکان

بۆچوونی ئێوە

You are replying to: .
  • 2 + 2 =