سه‌ندووقی ده‌نگدان له‌ سلێمانی جێگیر کرا

ڕاوێژکاری فه‌رهه‌نگی کونسولگه‌ری ئێران له‌ سلێمانی ڕایگه‌یاند که‌ به‌ مه‌به‌ستی ده‌نگدان له‌ سلێمانی بازگه‌ی ده‌نگدان بۆ هه‌ڵبژاردنه‌کانی ئێران دیاری کراوه‌.

به‌ ڕاپۆرتی ئاژانسی مێهر، سه‌ید مالک هاشمی، ڕاوێژکاری فه‌رهه‌نگی کونسولگه‌ری ئێران له‌ شاری سلێمانی ڕایگه‌یاند: به‌ مه‌به‌ستی ده‌نگدان له‌ سلێمانی بازگه‌ی ده‌نگدان بۆ هه‌ڵبژاردنه‌کانی ئێران دیاری کراوه‌. بۆ ئه‌م مه‌به‌سته‌ش سه‌ندوقی ده‌نگدان له‌ بینای کونسولگه‌ری ئێران له‌ سلێمانی جێگیر کراوه‌ و تاکوو کۆتایی ڕۆژی ده‌نگدان ده‌کرێته‌وه‌.

ئه‌و زیادی کرد: ئێمه‌ هه‌روه‌ها سه‌ندووقێکی گه‌ڕۆکمان دابین کردووه‌ که‌ کاتژمێر ۸ بۆ ۱۰ی ڕۆژی هه‌ینی له‌ بینای شاره‌وانی شاری که‌لار ده‌بێت، له‌ درێژه‌دا ئه‌م سه‌ندووقه‌ کاتژمێر ۱۱ بۆ ۱۲.۳۰ له‌ قایمه‌قامی ده‌ربه‌ندیخان ده‌بێت و دواجار کاتژمێر ۴ بۆ ۶ی ئێواره‌ که‌ شاره‌وانی هه‌ڵه‌بجه‌ ئاماده‌ ده‌بێت.

هاشمـی له‌ کۆتاییدا وتی: ئه‌م سه‌ندووقانه‌ بۆ ئه‌و ئێرانیانه‌ دابین ده‌کرێت که‌ له‌ هه‌رێمی کوردستانن و ده‌توانن به‌م جۆره‌ به‌شداری دوازده‌هه‌مین خولی سه‌رۆک کۆماری ئێران بکه‌ن.

شایانی باسه‌ که‌ ڕۆژی ۱۹ی گوڵان پڕۆسه‌ی ده‌نگدان به‌ ۱۲هه‌مین سه‌رۆک کۆماری ئێران به‌ڕێوه‌ ده‌چێت و ۱۲هه‌مین سه‌رۆک کۆرای ئێران بۆ ماوه‌ی ۴ ساڵ دیاری ده‌کرێت.

News Code 10051

نیشانەکان

بۆچوونی ئێوە

You are replying to: .
  • 4 + 13 =