ئه‌مریکا گه‌ڵاڵه‌ی وه‌ستاندنی گه‌ماڕۆکانی ئێران واژۆ ده‌کات

چه‌ند سه‌رچاوه‌یه‌کی ده‌وڵه‌تی ئه‌مریکا ڕایانگه‌یاندووه‌ که‌ واشنتۆن به‌ مه‌به‌ستی پێبه‌ند بوون به‌ به‌رجام گه‌ڵاڵه‌ی ڕاوه‌ستانی گه‌ماڕۆکانی ئێران واژۆ ده‌کاته‌وه‌.

به‌ ڕاپۆرتی ئاژانسی مێهر له‌ فاینشناڵ تایمز، چه‌ند به‌رپرسێکی ئه‌مریکایی ڕایانگه‌یاندووه‌ که‌ سه‌ره‌ڕای ئه‌وه‌ی که‌ ترامپ ڕه‌خنه‌ی تووندی له‌ به‌رجام هه‌یه‌، ده‌وڵه‌ته‌که‌ی جارێکی دیکه‌ گه‌ڵاڵه‌ی ڕاوه‌ستانی گه‌ماڕۆکانی ئێران واژۆ ده‌کاته‌وه‌.

به‌ پێی ئه‌م گه‌ڵاڵه‌یه‌ واشنتۆن چاوپۆشی له‌ هه‌موو ئه‌و گه‌ماڕۆیانه‌ ده‌کات که‌ به‌ هۆی چالاکی ناڤۆکییه‌وه‌ به‌ سه‌ر ئه‌م وڵاته‌دا سه‌پابوو. ئه‌م گه‌ڵاڵه‌یه‌ له‌ میانه‌ی چه‌ند ڕۆژی داهاتوودا مێژووه‌که‌ی به‌سه‌ر دێت و ده‌بێت دووباره‌ له‌ لایه‌ن سه‌رۆک کۆماره‌وه‌ واژۆ بکرێته‌وه‌.

تیمۆسی ئۆتل له‌مباره‌وه‌ وتی: ئه‌گه‌ر واشنتۆن ئه‌م گه‌ڵاڵه‌یه‌ واژۆ نه‌کات ئه‌مریکا تووشی دۆخێکی یه‌کجار ئاڵۆز ده‌بێت و ئێران ده‌توانێت جارێکی دیکه‌ چالاکییه‌ ناڤۆکییه‌کانی ده‌ست پێ بکاته‌وه‌.

شایانی باسه‌ که‌ ئه‌مریکا هێشتا به‌ بیانۆی تاقی کردنه‌وه‌ی مووشه‌کی و پشتیوانی له‌ تیرۆر ئێرانی به‌ جیاواز گه‌ماڕۆداوه‌.

ده‌وڵه‌تی ترامپیش ئه‌گه‌رچی دژی به‌رجامه‌، به‌ڵام ڕایگه‌یاندووه‌ که‌ پێبه‌ند ده‌بێت به‌ به‌رجام، به‌ڵام زۆر به‌ وردی چاودێڕی به‌سه‌ردا ده‌کات.

به‌رپرسێکی ئه‌مریکایی ڕایگه‌یاند: تاکوو ئه‌و کاته‌ی ئێران به‌ به‌رجامه‌وه‌ پێبه‌ند بێت ئێمه‌ش پێبه‌ندی ده‌بین و جێبه‌جێی ده‌که‌ین.

News Code 10047

نیشانەکان

بۆچوونی ئێوە

You are replying to: .
  • 3 + 4 =