هێرشی سایبری جیهان په‌یوه‌ندی به‌ کۆریای باکووره‌وه‌ هه‌یه‌

چه‌ند شاره‌زایه‌کی ئینترنتی له‌سه‌ر ئه‌م باوه‌ڕه‌ن که‌ گرووپێکی هه‌کری سه‌ر به‌ کۆریای باکوور به‌رپرسن له‌و هێرشه‌ ئینترنتییه‌ی که‌ له‌ چه‌ند ڕۆژی ڕابردوودا کراوه‌ته‌ سه‌ر ۱۵۰ وڵاتی جیهان.

به‌ ڕاپۆرتی ئاژانسی مێهر له‌ بی بی سی، چه‌ند شاره‌زایه‌کی ئینترنتی له‌سه‌ر ئه‌م باوه‌ڕه‌ن که‌ گرووپێکی هه‌کری سه‌ر به‌ کۆریای باکوور به‌رپرسن له‌و هێرشه‌ ئینترنتییه‌ی که‌ له‌ چه‌ند ڕۆژی ڕابردوودا کراوه‌ته‌ سه‌ر ۱۵۰ وڵاتی جیهان و زیاتر له‌ ۳۰۰ هه‌زار کۆمپیوتری جیهانیان قفڵ کردووه‌.

به‌ پێی قسه‌کانی نیل مه‌هتا له‌ بریتانیا، هه‌موو ئه‌و کۆدانه‌ی له‌م هێرشه‌ ئینترنتییه‌دا به‌کار هاتووه‌ زۆر له‌و کۆدانه‌ ده‌چێت که‌ گرووپێکی هه‌که‌ری له‌ چین که‌ڵکی لیده‌بات، ئه‌مه‌ گرووپه‌ش سه‌ر به‌ کۆریای باکووره‌.

گرووپه‌ کۆریاییه‌که‌ به‌رپرسی هێرش بۆ سه‌ر سۆنی پیکچر و بانکی ناوه‌ندی به‌نگلادش له‌ ساڵانی ۲۰۱۴ و ۲۰۱۶ بووه‌.

ده‌وڵه‌تی ئه‌مریکا دوێنێ ڕایگه‌یاند که‌ له‌ هێرشه‌ ئینترنتییه‌که‌ی دوێنێ هه‌م هه‌که‌ره‌کان و هه‌م ده‌وڵه‌تانی بیانی لێکۆڵینه‌وه‌یان بۆ ده‌کرێت.

ئه‌مه‌ له‌ حاڵێک دایه‌ که‌ به‌ پێی لێدوانی شاره‌زایانی ئینترنت ئه‌م ویروسه‌ له‌و خاڵه‌ لاوازانه‌ی هه‌واڵگری ئه‌مریکا بۆ په‌ره‌دان به‌ خۆی سوودی بردووه‌.

شایانی باسه‌ که‌ له‌ ڕۆژی هه‌ینیه‌وه‌ زیاتر له‌ ۱۵۰ وڵاتی جیهان له‌ لایه‌ن جۆره‌ ویروسێکی ئینترنتییه‌وه‌ هێرش کرایه‌ سه‌ریان، ئه‌م ویروسه‌ کۆمپیوتره‌کان قفڵ ده‌کات و بۆ کردنه‌وه‌ی کۆمپیوتره‌کان داوای ۳۰۰ دۆلار باج ده‌کات.

News Code 10044

نیشانەکان

بۆچوونی ئێوە

You are replying to: .
  • 8 + 5 =