به‌ڕێوه‌به‌رانی دوڵه‌تی ڕۆحانی له‌ کوردستان باش نه‌بوون

سه‌رۆکی بنکەی هه‌ڵبژاردنه‌کانی سه‌ید ئیبراهیم ڕه‌ئیسی له‌ پارێزگای کوردستان وتی: سیستمی به‌ڕێوه‌به‌ری ده‌وڵه‌تی ڕۆحانی له‌ کوردستان کارامه‌یی نه‌بووه‌ و درێژه‌ی ئه‌م ڕێگایه‌ له‌ سوودی ئێران و کوردستان نییه‌.

به‌ ڕاپۆرتی ئاژانسی مێهر، جه‌ماڵ شه‌هسه‌واری له‌ کۆبوونه‌وه‌ی لاینگرانی سه‌ید ئیبراهیم ڕه‌ئیسی له‌ ستادیۆمی ئازادی سنه‌ وتی: ڕۆحانی له‌ دواین لێدوانه‌کانی خۆی وتی که‌ ته‌نیا خه‌ڵکی تاران عاقڵانه‌ ده‌نگ ده‌ده‌ن، ئه‌مه‌ مانای چییه‌؟ مانای ئه‌وه‌یه‌ که‌ باقی خه‌ڵکی ئێران له‌ ڕووی نه‌زانیه‌وه‌ ده‌نگ ده‌ده‌ن. به‌ڵام خه‌ڵک به‌ ده‌نگی نه‌خێر ئه‌م ده‌وڵه‌ته‌ سزا ده‌دات.

ئه‌و زیادی کرد: ڕۆحانی زیاتر له‌ ۳۰ ساڵه‌ له‌ ئێران به‌رپرسه‌ به‌ڵام هیچی نه‌کردووه‌. ئێسته‌ش له‌ خه‌ڵکی دیکه‌ تووڕه‌ ده‌بێت. گومانی تێدا نییه‌ که‌ خه‌ڵکی کوردستان له‌ ڕه‌ئیسی پشتیوانی ده‌که‌ن. ڕه‌ئیسی کێبه‌رکێ له‌گه‌ل که‌س ناکات، ئه‌و له‌گه‌ڵ هه‌ژاری و نه‌بوونی کێبه‌رکێی ده‌کات.

شه‌هسه‌واری وتی: ئه‌م ده‌وڵه‌ته‌ ته‌نیا کزی بازاڕ و گرانی و بێکاری به‌رهه‌م هاوردووه‌ و هێشتا به‌ خه‌ڵکیش ده‌ڵێت ده‌نگم پێبده‌ن. ئێمه‌ له‌م ده‌وڵه‌ته‌ هیچمان بێجگه‌ له‌ درۆ دان نه‌دیوه‌.  ژیانی سه‌خت و هه‌ژاریی خه‌ڵک به‌ ژماره‌ چاک نابێت، به‌ کرده‌وه‌ چاک ده‌بێت، تۆ به‌رده‌وام بڵێی ژماره‌کان باشن، کوا؟ ئه‌ی بۆ ئه‌مه‌ دۆخی بێکاری و هه‌ژارییه‌ خه‌ڵکه‌؟

ئه‌و له‌ کۆتاییدا وتی: ئێمه‌ له‌ناو خه‌ڵکه‌وه‌ هاتووین و بۆ خه‌ڵکیش ئیش و کار ده‌که‌ین. دڵنیا بن که‌ دووباره‌ بوونه‌وه‌ی ئه‌م ده‌وڵه‌ته‌ له‌ سوودی خه‌ڵکی کوردستان نییه‌. ئه‌م ده‌وڵه‌ته‌ جێگه‌ له‌ دۆر کردن هیچ خێرێکی دیکه‌ی نییه‌.

News Code 10042

نیشانەکان

بۆچوونی ئێوە

You are replying to: .
  • 7 + 11 =