پاگه‌نده‌ی ئه‌مریکا سه‌باره‌ت به‌ ڕووسیا و ئێران و سووریا

جێگری ڕۆژهه‌ڵاتی ناڤینی وه‌زاره‌تی ده‌ره‌وه‌ ئه‌مریکا له‌ کۆنفڕانسێکی ڕۆژنامه‌وانیدا سه‌باره‌ت به‌ ئێران و ڕووسیا و سووریا لێدوانی دا.

به‌ ڕاپۆره‌تی ئاژانسی مێهر له‌ سی ئێسپن، ستوارت جۆنز، جێگری ڕۆژهه‌ڵاتی ناوینی وه‌زاره‌تی ده‌ره‌وه‌ی ئه‌مریکا وتی: له‌ دیداره‌کانی ئه‌م دواییه‌ی ڕێکس ته‌یلێرسۆن له‌گه‌ڵ لاورۆف داوا کراوه‌ که‌ ڕووسیا له‌ کاریگه‌ری خۆی له‌ سووریا که‌ڵک وه‌رگرێت و به‌شار ئه‌سه‌د ناچار بکات تاکوو ئاگربڕێکی پاوه‌جێ قبوڵ بکات.

ئه‌و زیادی کرد: به‌شار ئه‌سه‌د چون دڵنیایه‌ له‌ پشتیوانی ڕووسیا و ئێران، به‌رده‌وامه‌ له‌ پێشێل کردنی مافی مرۆڤ. ئه‌گه‌ر ئه‌سه‌د درێژه‌ به‌ ده‌مارگرژییه‌کانی بدات و به‌رده‌وام بێت له‌ چه‌کی کیمیایی، ئه‌مه‌ له‌ دژی ئه‌منیه‌تی نه‌ته‌وه‌یی ئێمه‌ و هاوپیمانه‌کانمانه‌.

ئه‌م به‌رپرسه‌ ئه‌مریکاییه‌ بێ ئه‌وه‌ی ئاماژه‌ به‌ هیچ به‌ڵگه‌یه‌ک بکات چه‌ندین جار حکومه‌تی سووریای تاوانبار کرد که‌ له‌ دژی خه‌ڵکی سووریا له‌ چه‌کی کیمیایی که‌ڵکی بردووه‌ و ته‌رمی سوورییه‌کان ده‌سووتێنێت و له‌ گۆڕه‌ به‌ کۆمه‌ڵه‌کان ده‌یانشارێته‌وه‌. ئه‌و جه‌ختی کرد: ژماره‌یه‌کی دروست له‌ ڕێژه‌ی کوژراوه‌کان له‌ به‌رده‌ست ئێمه‌دا نییه‌، به‌ڵام ده‌زانین له‌ نێوان ۲۰۱۱ بۆ ۲۰۱۵ له‌ زیندانه‌کانی سووریا ۵ بۆ ۱۱ هه‌زار که‌س کوژراون.

جۆنز له‌ درێژه‌ی قسه‌کانی خۆی وتی: وه‌زیری ده‌ره‌وه‌ی ڕووسیا به‌ڵێنی پێداوین که‌ کارێک ده‌که‌ن بۆ کۆتایی هێنان به‌ شه‌ڕی سووریا. هه‌ر بۆیه‌ هیوادارین که‌ مسکۆ له‌ ڕێچکه‌یه‌کی دروست هه‌نگاو هه‌ڵبگرێت و کۆتایی به‌ بێ ڕه‌حمی ئه‌سه‌د بێنێت.

ئه‌و سه‌باره‌ت به‌ دواین بڕیاره‌کانی ئاستانه‌ وتی: ئێمه‌ له‌ ناوچه‌ی که‌م ناکۆک به‌ گومانین چون سووریا به‌رده‌وام دژبه‌ره‌کان و خه‌ڵکی سووریا بۆردمان ده‌کات و گوێ به‌م شتانه‌ نادات.

News Code 10036

نیشانەکان

بۆچوونی ئێوە

You are replying to: .
  • 5 + 6 =