عه‌باس که‌مه‌ندی سه‌روه‌تی مۆسیقای پاش خۆی به‌جێهێشت

کۆنفڕانسی لێکدانه‌وه‌ی به‌رهه‌مه‌کانی عه‌باس که‌مه‌ندی له‌ زانکۆ کوردستانی شاری سنه‌ به‌ڕێوه‌ چوو.

به‌ ڕاپۆرتی ئاژانسی مێهر، کۆنفڕانسی لێکدانه‌وه‌ی به‌رهه‌مه‌کانی عه‌باس که‌مه‌ندی له‌ زانکۆ کوردستانی شاری سنه‌ و به‌ ئاماده‌بوونی خوێندکارانی ئه‌م زانکۆیه‌ به‌ڕێوه‌ چوو.

به‌ پێی ئه‌م ڕاپۆرته‌، ڕه‌وشه‌ن خۆشنوودی، جێگری فه‌رهه‌نگی زانکۆ کوردستان وتی: کوردستان کانگای هونه‌ر و ژیاره‌ و فه‌رهه‌نگی ئه‌م ناوچه‌یه‌ زیاتر له‌ ۲۷۰۰ ساڵ مێژووی هه‌یه‌. هیچ نه‌ته‌وه‌یه‌ک هونه‌ری خۆی له‌ بیر ناکات و خه‌ڵکی کوردستانیش ڕێز فه‌رهه‌نگ و هونه‌ری خۆیان ده‌گرن.

ئه‌و زیادی کرد: عه‌باس که‌مه‌ندی یه‌کێک له‌و که‌سانه‌ بوو که‌ به‌رده‌وام له‌ دوای ژیانه‌وه‌ و ئافراندن له‌ هونه‌ری کوردیدا بوو که‌ به‌ڕاستی جێگه‌ی شانازی بوو. ئه‌و له‌ نووسه‌ریه‌وه‌ ده‌ستی پێ کرد، دواتر کاری نیگارکێشی و مۆسیقاشی کرد که‌ کاسته‌کانی ناوبانگی جیهانیان به‌ ده‌ست هێنا.

له‌ درێژه‌ی ئه‌م به‌رنامه‌، هونه‌رمه‌دنی ناسراوی کورد فه‌ردین سادق ئه‌یوبی وتی: من به‌ر له‌ هه‌رچی شته‌ داوا ده‌که‌م که‌ له‌ کوردستان مۆزه‌خانه‌ی هونه‌ری سه‌رده‌م بکرێته‌وه‌، ڕاسته‌ ئێمه‌ مێژوویه‌کی ده‌وڵه‌مه‌ندمان هه‌یه‌، به‌ڵام هونه‌ری سه‌رده‌می ئێمه‌ یه‌کجار گه‌وره‌ بووه‌ته‌وه‌ و به‌ڕاستی پێویستی به‌وه‌یه‌ که‌ مۆزه‌خانه‌یه‌ک بۆ هونه‌ری سه‌رده‌می کوردی بکرێته‌وه‌.

ئه‌و نه‌قاشه‌ کورده‌ سه‌باره‌ت به‌ نیگارکێشییه‌کانی عه‌باس که‌مه‌ندی وتی: عه‌باس که‌مه‌ندی بێ ئه‌وه‌ی هیچ وانه‌یه‌کی نیگارکێشی خوێندبێت، خۆی ده‌ستی دایه‌ نیگارکێشی و له‌وحه‌کانی هیچ که‌متر له‌ کاسته‌کانی نین و ده‌بێت له‌مڕووه‌شه‌وه‌ ئاوڕی تایبه‌ت له‌ که‌مه‌ندی بدرێته‌وه‌.

ئیره‌ج به‌هرام نژاد، شاعر و نووسه‌ری شاری سنه‌ له‌ درێژه‌ی ئه‌م کۆنفڕانسه‌ وتی: ئێمه‌زۆر کات که‌ قسه‌ له‌ هونه‌رمه‌ندان ده‌که‌ین که‌سایه‌تی به‌رزی ئه‌وان له‌ بیر ده‌که‌ینه‌وه‌، که‌مه‌ندی که‌سێک بوو که‌ له‌ بواری هونه‌ر زوڵمی زۆری لێکرا، به‌ڵام سه‌ره‌ڕای هه‌موو ئه‌مانه‌ توانی بمێنێته‌وه‌ و جوانترین ئاسه‌واره‌ هونه‌رییه‌کان بخوڵقێنێت.

ئه‌و زیادی کرد: که‌مه‌ندی له‌ سه‌رده‌مێکی ئه‌سته‌مدا شێعری ده‌وت و ئه‌گه‌ر که‌سێک له‌ زمانی شێعری ئه‌م هونه‌رمه‌نده‌ تێنه‌گات لای وا ده‌بێت که‌ شێعره‌کانی له‌ ڕووی وه‌زنه‌وه‌ شکاون و که‌میان هه‌یه‌، به‌ڵام ده‌بێت تۆ زمانی شێعری که‌مه‌ندی بناسیت تاکوو له‌م هه‌ڵه‌یه‌ نه‌که‌ویت.

به‌رهام نژاد جه‌ختی کرد: من له‌ نه‌وه‌ی نوێی کورد داوا ده‌که‌م به‌ قووڵی که‌مه‌ندی بخوێننه‌وه‌ و هیوادارم له‌ داهاتووییه‌کی نزیک بتوانین پیشانگایه‌کی باش بۆ ئه‌م هونه‌رمه‌نده‌ گه‌وره‌یه‌ بکه‌ینه‌وه‌.

شایانی باسه‌ که‌ عه‌باس که‌مه‌ندی هونه‌رمه‌ندی ناسراوی کورد له‌ ساڵی ۱۳۳۱ له‌ سنه‌ له‌ دایک بووه‌ و ساڵی ۱۳۹۳ کۆچی دوایی کرد. له‌ درێژه‌ی ئه‌م ڕێوڕه‌سمه‌ گرووپی مۆسیقای بێ سنوور چه‌ندین ملۆدیان له‌ عه‌باس که‌مه‌ندی خوێند و پێشکه‌ش کرد.

News Code 10030

نیشانەکان

بۆچوونی ئێوە

You are replying to: .
  • 4 + 0 =