پشتیوانی دەوڵتی له‌ فه‌رهه‌نگی کوردی له‌ ئاستی دروشمدا ماوه‌ته‌وه‌

چالاکێکی سیاسی له‌ پارێزگای کوردستان ڕایگه‌یاند که‌ پشتیوانی کردن له‌ داب و نه‌ریت و فه‌رهه‌نگ له‌ ئاستی دروشم دان ماوه‌ته‌وه‌ و ده‌بێت به‌ کرده‌وه‌ کاری بۆ بکرێت.

به‌ ڕاپۆتی ئاژانسی مێهر، محمه‌د اڵامورادی له‌ چالاکانی سیاسی کوردستان له‌ میانه‌ی سه‌ردان له‌ نووسینگه‌ی ئاژانسی مێهر له‌ سنه‌ وتی: له‌ سه‌ر ئه‌م باوه‌ڕه‌م که‌ ده‌توانین له‌ چوارچێوه‌ی یاسا و ڕێساکان چاکسازی باش ئه‌نجام بده‌ین.

ئه‌و زیادی کرد: بۆ نموونه‌ ئێمه‌ به‌رده‌وام ده‌بینین که‌ پێویستمان به‌وه‌یه‌ که‌ ئاوڕ له‌ فه‌رهه‌نگی ڕه‌سه‌نی کوردیی بدرێته‌وه‌، به‌ڵام به‌داخه‌وه‌ ئه‌مه‌ له‌ ئاستی دروشم دان ماوه‌ته‌وه‌. ئه‌وه‌ی ئێمه‌ ده‌بینین له‌ ئاستێکی لاواز دایه‌.

ئه‌م چالاکه‌ سیاسی وتی: ساڵی ۸۸ ڕێبه‌ری باڵای ئێران سه‌ردانی کوردستانی کرد و له‌م سه‌ردانه‌دا به‌ جدی ئاوڕی له‌ فه‌رهه‌نگی کوردی دایه‌وه‌ و ڕێزی له‌ که‌سایه‌تی به‌رزی وه‌ک مامۆستا هه‌ژار گرت. بۆچی تاکوو ئێسته‌ ئه‌م پشتیوانییه‌ گه‌وره‌ له‌ ئاستی دروشمدا ماوه‌ته‌وه‌، ده‌بێب به‌ کرده‌وه‌ کار بۆ فه‌رهه‌نگ بکرێت.

ئه‌ڵامورادی جه‌ختی کرد: هه‌روه‌ها جه‌خت کرا که‌ ده‌بێت له‌ دام وه‌ ده‌زگا ده‌وڵه‌تییه‌کان له‌ دانیشتوانی خودی ناوچه‌که‌ که‌ڵک ببرێت، یانی ئێمه‌ هیچ که‌سایه‌تییه‌کی شیاومان نییه‌ که‌ ناوه‌ندێکی فه‌رهه‌نگی له‌ ئه‌ستۆ بگرێت.

ئه‌و وتی: من له‌ سه‌ر ئه‌م باوه‌ڕه‌م که‌ چاکسازی به‌ بێ ئیمان به‌ چاکه‌ ناکرێت. به‌ داخه‌وه‌ له‌ ئێران کاتێک ده‌وڵه‌تێکی ڕیفۆرمخواز دێته‌ سه‌ر کار، تاقمێک ده‌بنه‌ ڕیفۆرمخواز و هه‌مووشی بۆ پله‌ و پایه‌یه‌ و گیرفانی خۆیانه‌ و ئه‌مه‌ش ده‌بێته‌ هۆی ئه‌وه‌ی دروشمه‌کان نه‌چێته‌ بواری جێبه‌جێ کردنه‌وه‌. یان کاتی هه‌ڵبژاردنه‌کان تاقمێک ده‌بنه‌ بناژۆ خواز بێ ئه‌وه‌ی هیچ بڕوا و ئیمانێکیان به‌ مه‌بده‌ئه‌کانی ئه‌م باڵه‌ سیاسییه‌ی ئێران هه‌بێت.

ئه‌م چالاکه‌ سیاسییه‌ له‌ کۆتاییدا جه‌ختی کرد: به‌داخه‌وه‌ بڕێک له‌ به‌رژاره‌کان له‌ جێگه‌ی ئه‌وه‌ی له‌گه‌ڵ فیکر و زاکیره‌ی خه‌ڵک قسه‌ بکه‌ن له‌گه‌ڵ مه‌عیده‌ و زکی خه‌ڵک قسه‌ ده‌که‌ن، باسی هه‌نبانه‌ خاڵییه‌کان ده‌که‌ن و ئه‌مه‌ش سووکایه‌تی کردن به‌ خه‌ڵکه‌.

News Code 10028

نیشانەکان

بۆچوونی ئێوە

You are replying to: .
  • 9 + 0 =