داعش ۶۴ هاووڵاتی مه‌ده‌نی له‌ موسڵ کوشت

چاودێڕی مافی مرۆڤی عێراق له‌ ڕاگه‌یه‌ندراوێکدا ئاماژه‌ی دا: ژماره‌ی ئه‌و که‌سانه‌ی که‌ به‌ هۆی هه‌ڵاتن له‌ ناوچه‌کانی ژێر ده‌ستی داعش ده‌بنه‌ ئامانجی قه‌ناس به‌ده‌سته‌کانی داعش به‌رده‌وام له‌ به‌رز بوونه‌وه‌ دایه‌.

به‌ ڕاپۆرتی ئاژانسی مێهر له‌ ئه‌لعاله‌م، چاودێڕی مافی مرۆڤی عێراق ڕایگه‌یاند که‌ ۶۴ که‌سی سڤیل که‌ زۆربه‌یان ژن و منداڵ بوون له‌ لای ڕاستی موسڵ کوژراون.

به‌ پێی ئه‌م ڕاپۆرته‌، ئه‌م ناوه‌نده‌ رایگه‌یاندووه‌: ژماره‌ی ئه‌و که‌سانه‌ی که‌ به‌ هۆی هه‌ڵاتن له‌ ناوچه‌کانی ژێر ده‌ستی داعش له‌ لایه‌ن قه‌ناسه‌کانی داعشه‌وه‌ ده‌کرێنه‌ ئامانج به‌رده‌وام له‌ به‌رز بوونه‌وه‌ دایه‌.

له‌ درێژه‌ی ئه‌م ڕاگه‌یه‌ندراوه‌دا هاتووه‌: تاکوو ئێسته‌ ته‌رمی ۶۴ که‌سی سڤیلی دیکه‌ش دۆزراوه‌ته‌وه‌ که‌ به‌ ده‌ستی قه‌ناسه‌کانی داعش کراونه‌ته‌ ئامانج، ته‌رمی دیکه‌ش هه‌یه‌ که‌ پێویستیان به‌ یارمه‌تی هه‌یه‌ تاکوو ڕاده‌ستی بنه‌ماڵه‌کانیان بکرێنه‌وه‌.

شایانی باسه‌ که‌ ئۆپراسیۆنی ئازاد کردنی موسڵ ماوه‌ی چه‌ند مانگێکه‌ که‌ ده‌ستی پێکردووه‌ و له‌م ماوه‌دا زۆربه‌ی ناوچه‌کانی موسڵ ئازاد کراوه‌ و شاره‌که‌ له‌ ئان و ساتی ئازاد بوون دایه‌.

News Code 10026

نیشانەکان

بۆچوونی ئێوە

You are replying to: .
  • 4 + 10 =