هێرشێکی گه‌وره‌ی سایبری  ده‌کرێته‌ سه‌ر جیهان

شاره‌زایه‌تی ئه‌منیه‌تی له‌ بریتانیا دوێنێ هۆشداری داوه‌ که‌ له‌ میانه‌ی چه‌ند ڕۆژی داهاتوودا هێرشێکی ئینترنتی گه‌وره‌ له‌ جیهاندا ڕووده‌دات.

به‌ ڕاپۆرتی ئاژانسی مێهر له‌ ساندی تێلگراف، شاره‌زایه‌کی ئه‌منیه‌تی بریتانیا ڕۆژی یه‌کشه‌مه‌ ڕایگه‌یاند که‌ هێرشێکی ئینترنتی گه‌وره‌ له‌ سه‌رتانسه‌ری جیهان، له‌ میانه‌ی چه‌ند ڕۆژی داهاتوودا ڕوو ده‌دات.

ڕۆژی هه‌ینی پێشووش هێرشێکی گه‌وره‌ی ئینترنی له‌ ۱۰۰ وڵاتی جیهان ئه‌نجام بوو. له‌م هێرشه‌دا ویرۆسێک کۆمپیوتره‌کانی قه‌فڵ ده‌کرد و دواجار بۆ ئه‌وه‌ی بیکاته‌وه‌ داوای ۳۰۰ دۆلار باجی ده‌کرد.

ئه‌م ویروسه‌ سه‌رجه‌م کۆمپیوتره‌کان قفڵ ده‌کات و ئه‌گه‌ر خاوه‌نی کۆمپیوتره‌که‌ پاره‌که‌ نه‌دات، ته‌نیا چاره‌ی ئه‌وه‌یه‌ که‌ له‌ سه‌ره‌تاوه‌ کۆمپیوتره‌که‌ی دابڕێژێت و هه‌موو زانیارییه‌کانی سه‌ر کۆمپیوتره‌که‌ی ده‌سڕدرێته‌وه‌.

چه‌ندین وڵاتی وه‌ک ئه‌مریکا، بریتانیا، ئیسپانیا، پورته‌قاڵ، ڕووسیا، ئۆکراین، تایوان و ڤیه‌تنام ڕایانگه‌یاندووه‌ که‌ هێرش کراوه‌ته‌ سه‌ریان. تاکوو ئێسته‌ بۆ که‌س ڕوون نه‌بووه‌ته‌وه‌ که‌ کاری کێیه‌. 

یاکوب کرۆستێک، شاره‌زایه‌کی ئینترنتی له‌ بریتانیا ڕایگه‌یاند که‌ زیاتر له‌ ۳۶ هه‌زار له‌م جۆره‌ ویروسه‌ کوشه‌نده‌ له‌ ئینترندا هه‌یه‌.

News Code 10023

نیشانەکان

بۆچوونی ئێوە

You are replying to: .
  • 4 + 3 =