ناسەی هەواڵ: 4298765 -
لێکۆڵه‌رێکی کورد:

قوتبه‌دین سادقی هونه‌رمه‌نێکه‌ که‌ پێبه‌نده‌ به‌ کۆمه‌ڵگا

یه‌کێک له‌ مامۆستایانی بواری ئه‌ده‌بی کوردی له‌ میانه‌ی ڕێوڕه‌سمی ڕێز گرتن له‌ دوکتور قوتبه‌دین سادقی وتی: قوتبه‌دین سادقی هونه‌رمه‌نێکه‌ که‌ زیاترین پێبه‌ند بوونی به‌ کۆمه‌ڵگاوه‌ هه‌یه‌.

به‌ ڕاپۆرتی ئاژانسی مێهر، دوێنێ ئێواره‌ له‌ شاری سنه‌ و زانکۆ کوردستان کۆڕێکی ڕێز گرتن له‌ ته‌مه‌نێک کاری هونه‌ری بۆ دوکتور قوتبه‌دین سادقی گیرا.

له‌م ڕێوڕه‌سمه‌، دوکتور ئۆمێد وه‌رزه‌نده‌، وته‌کانی خۆیی سه‌باره‌ت به‌ دوکتور قوتبه‌دین سادقی پێشکه‌ش کرد و وتی: ڕوونه‌ که‌ قسه‌ کردن له‌ سه‌ر دوکتور سادقی هه‌م ئاسانه‌ هه‌م زۆر ئه‌سته‌م، ئاسانه‌ چون ئه‌وه‌نده‌ کاری کردووه‌ ده‌کرێت به‌ ده‌یان کاتژمێر قسه‌ی له‌ سه‌ر بکه‌ین به‌ڵام زۆر گرنگه‌ که‌ بتوانین به‌ باشی که‌سایه‌تی ئه‌م هونه‌رمه‌نده‌ کورده‌ ده‌رببڕین. 

ئه‌و زیادی کرد: سادقی هه‌موو ژیانی خۆی بۆ هونه‌ر و شانۆ ته‌رخان کردووه‌ و هه‌ر له‌م ده‌لاقه‌شه‌وه‌ له‌ جیهانی ده‌ورووبه‌ری خۆی ده‌ڕوانێت بۆیه‌ جۆری ڕوانینی بۆ جیهان زۆر تایبه‌ت و جیاواز بووه‌، که‌سێک بووه‌ که‌ به‌رده‌وام بووه‌ته‌ هۆی سه‌رسووڕمان و بیر کردنه‌وه‌ی ئێمه‌.

وه‌رزه‌نده‌ هه‌روه‌ها وتی: مامۆستا سادقی دوو تایبه‌تمه‌ندی ڕوونی هه‌یه‌، یه‌که‌م هونه‌ری بوون و دووهه‌م تایبه‌ت مه‌ندی کۆمه‌ڵایه‌تی ئه‌وانه‌. ئه‌و به‌ خوێندنه‌وه‌ی ده‌قێق و وردی شانۆی کلاسیکی جیهان پێی نایه‌ خوێندنه‌وه‌ی ئه‌ده‌بیاتی کلاسیکی ئێران و له‌م ڕووه‌وه‌ خزمه‌تێکی گه‌وره‌ی هه‌م به‌ ئه‌ده‌بیات و هه‌م به‌ شانۆی له‌ ئێران کرد.

 سه‌باره‌ت به‌ کاره‌ کوردییه‌کانی دوکتور قوتبه‌دین سادقی وتی: ئێمه‌ باش ده‌زانین که‌ سادقی یه‌که‌م که‌س بووه‌ که‌ به‌ پڕۆفشناڵ و وردی کاری له‌ سه‌ر به‌یته‌ کوردییه‌کان کردووه‌ و ئێسته‌ش به‌رده‌وامه‌ له‌ سه‌ریان و زۆربه‌یانی به‌ شانۆی ده‌رهێناوه‌، ئه‌و ڕه‌وایه‌ت و به‌یتانه‌ی که‌ نه‌وه‌کانی ئه‌مڕۆ لێیان بێ ئاگان. له‌مڕووه‌وه‌، به‌ڕاستی خزمه‌تێکی گه‌وره‌ی به‌ ئه‌ده‌ب و شانۆی کوردی کردووه‌ که‌ جێگه‌ی ڕێز لێنانه‌.

ئه‌م مامۆستای زانکۆیه‌ هه‌روه‌ها وتی: یه‌کێک له‌ کاره‌ ئه‌سته‌مه‌کانی مامۆستا سادقی نووسینی زیاتر له‌ ۱۵۰ وتاری زانستی به‌ پله‌ی زانکۆییه‌، ئه‌وه‌ی له‌م کۆڕه‌ مامۆستای زانکۆیه‌ باش ده‌زانێت که‌ نووسینی ۱۵۰ وتاری زانستی یانی چی، هه‌ر کام له‌ ئێمه‌ ڕه‌نگه‌ له‌ ماوه‌ی مامۆستا بوونی زانکۆ بتوانین ته‌نیا ۴۰ بۆ ۵۰ وتار بنووسین به‌ڵام سادقی به‌ هۆی کاری زۆر و ئه‌سته‌مه‌وه‌ ۱۵۰ وتاری تاکوو ئێسته‌ پێشکه‌ش به‌ زانکۆکانی ئێران کردووه‌.

وتیشی: یه‌کێکی دیکه‌ له‌ تایبه‌تمه‌ندییه‌کانی دوکتور قوتبه‌دین سادقی ڕه‌هه‌ندی کۆمه‌ڵایه‌تی ئه‌وه‌، مامۆستا سادقی سه‌ره‌ڕای ئه‌وه‌ی که‌ ئه‌م هه‌موو کاره‌ی هه‌یه‌ له‌ هێچ ده‌رفه‌تێک بوو ئاماده‌ بوون له‌ شاره‌ بچووکه‌کان کۆتایی ناکات، ئه‌مڕۆ له‌ سنه‌یه‌، به‌یانی له‌ بانه‌، دووبه‌یانی له‌ سلێمانی و هه‌وڵێره‌ و دواجار ده‌چێته‌ ئامه‌د. هه‌موو ئه‌مه‌ش به‌ هۆی ئه‌و هه‌سته‌ نایابه‌ی دوکتور قوتبه‌دین سادقییه‌وه‌یه‌ که‌ هه‌ست به‌ به‌رپرسیار بوون له‌ ئاستی کۆمه‌ڵگاکه‌ی خۆی ده‌کات و به‌م کاره‌ به‌ ڕاسته‌وخۆترین شێواز، زانستی خۆی بۆ نه‌وه‌کانی دیکه‌ ده‌گوازێته‌وه‌. به‌داخه‌وه‌ زۆربه‌ی هونه‌رمه‌ندانی ئێمه‌ له‌ شاره‌ گه‌وره‌کان نیشته‌ جێ بوون و که‌س سوودیان به‌م جۆره‌ لێ نابات.