16 May 2018 - 17:27
۸۰۰ ملیۆن تمه‌ن بۆ ده‌رمان و پێشگیری به‌ ماده‌ی هۆشبه‌ر لە کوردستان خه‌رج کراوه‌

سه‌رۆکی ئه‌نجومه‌نی دژایه‌تی کردنی ماده‌ی هۆشبه‌ر له‌ کوردستان وتی: زیاتر له‌ ۸۰۰ ملیۆن تمه‌ن بۆ ده‌رمان و به‌ر گرتن به‌ ماده‌ی هۆشبه‌ر له‌ ساڵی ڕابردوو خه‌رج کراوه‌.

به‌ ڕاپۆرتی ئاژانسی مێهر، سه‌لیم که‌ریمی له‌ کۆبوونه‌وه‌ی به‌رنگار بوونه‌وه‌ی ماده‌ی هۆشبه‌ر له‌ پارێزگای کوردستان ڕایگه‌یاند: زیاتر له‌ ۸۰۰ ملیۆن تمه‌ن بۆ ده‌رمان و به‌ر گرتن به‌ ماده‌ی هۆشبه‌ر له‌ ساڵی ڕابردوو خه‌رج کراوه‌.

ئه‌و زیادی کرد: ئه‌م بڕه‌ بودجه‌یه‌ له‌ بودجه‌ی دژایه‌تی کردنی ماده‌ی هۆشبه‌ری ئێران و بودجه‌ی دام و ده‌زگا حکومییه‌کان دابین کراوه‌. له‌م بودجه‌یه‌ ۳۵۰ ملیۆن بۆ ئه‌و ناوه‌ندانه‌ی دژایه‌تی ماده‌ی هۆشبه‌ر دکه‌ن ته‌رخان کردوه‌ و ۲۰۰ ملیۆنیش بۆ به‌ر گرتن به‌ تووش بوون به‌ ماده‌ی هۆشبه‌ر خه‌رج کراوه‌.

ئه‌م به‌رپرسه‌ وتی: هه‌روه‌ها ۵۰ ملیۆن ته‌مه‌ن به‌و ڕێکخراوه‌ جه‌ماوه‌رییه‌کان دراوه‌ که‌ کاری دژایه‌تی ماده‌ی هۆشبه‌ر ده‌که‌ن.

که‌ریمی ئاماژه‌ی دا: هه‌روه‌ها بۆ ئیداره‌ی په‌روه‌رده‌، بێهزیستی و زانکۆکانی علوم پزشکی و کوردستانیش بودجه‌ بۆ دژایه‌تی کردنی ماده‌ی هۆشبه‌ر دابین کراوه‌ که‌ په‌یوه‌ندی به‌ ئێمه‌وه‌ نه‌بووه‌.

ئه‌و هه‌روه‌ها وتی: ئه‌و پڕۆژانه‌ی که‌ کاری لێکۆڵینه‌وه‌ ده‌که‌ن بۆ وه‌رگرتنی بودجه‌ ده‌بێت ڕه‌وانه‌ی تاران بکرێن و دوای ئه‌وه‌ی له‌ ڕووی زانستییه‌وه‌ قبوڵ کران بۆدجه‌یان بۆ ته‌رخان ده‌کرێت.

سه‌رۆکی ئه‌نجومه‌نی دژایه‌تی کردنی ماده‌ی هۆشبه‌ر له‌ کوردستان زیادی کرد: تاکوو ئێسته‌ ۲۱ پڕۆژه‌ی لێکۆڵینه‌وه‌ بۆ دژایه‌تی کردنی ماده‌ی هۆشبه‌ر له‌ ساڵی ڕابردوو قبوڵ کراوه‌ و کاریان له‌ سه‌ر ده‌کرێت، به‌ڵام به‌داخه‌وه بودجه‌ی ئه‌م پڕۆژانه‌ که‌مه‌ و له‌ ئێستادا ۶۵ پڕۆژه‌ی دیکه‌ش چاوه‌ڕوانی بودجه‌ وه‌گرتنن.

News Code 18861

نیشانەکان