شەڕڤانانی کوردی سووریا ڕایانگەیاند:

ئازاد کردنی ناو شاری ره‌قه‌ بەمزوانە ده‌ستپێدەکات

ناسەی هەواڵ: 3935272 -
کوردی سووریا به‌ فه‌رمی ڕایگه‌یاند که‌ ئازاد کردنی ناو شاری ڕه‌قه‌ له‌ مانگی ئاڤریل به‌ فه‌رمی ده‌ستپێده‌کات.

به‌ ڕاپۆرتی ئاژانسی مێهر له‌ ڕۆیترز، فه‌رمانده‌ی گشتی هێزه‌کانی یه‌په‌گه‌ ڕایگه‌یاند که‌ هێزه‌کانیان له‌ میانه‌ی مانگی ئاڤریل به‌ فه‌رمی ئۆپراسیۆنی ئازاد کردنی ناو شاری ڕه‌قه‌ ده‌ست پێ دەکات.

ئه‌م لێدوانانه‌ی فه‌رمانده‌ی گشتی هێزه‌کانی یه‌په‌گه‌ له‌ حاڵێک دایه‌ که‌ تورکیا به‌ ده‌یان جار ڕایگه‌یاندووه‌ که‌ مۆڵه‌ت به‌ کوردی سووریا نادات که‌ شاری ڕه‌قه‌ ئازاد بکه‌ن. له‌ لایه‌کی دیکه‌وه‌ وه‌زاره‌تی به‌رگری ئه‌مریکا پشتیوانی له‌ کوردی سووریا ده‌کات و ڕایگه‌یاند که‌ هێشتا بڕیارێک بۆ ئازاد کردنی شاری ره‌قه‌ نه‌دراوه‌.

شایانی باسه‌ که‌ ئه‌مریکا له‌ ماوه‌ی یه‌ک مانگی ڕابردوودا ژماره‌ی هێزه‌ مارینێزه‌کانی له‌ باکووری سووریا به‌رز کردووه‌ته‌وه‌ و به‌ سه‌دان جۆر چه‌کی قورسی بۆ پشتیوانی له‌ هێزه‌ کوردییه‌کان ڕه‌وانه‌ی ناوچه‌که‌ کردووه‌.

پشتیوانی ئه‌مریکا له‌ هێزه‌ کوردییه‌کانی سووریا بووه‌ته‌ هۆی ناکۆکی و ئاڵۆزی له‌ نێوان تورکیا و ئه‌مریکا، تورکیا ده‌یه‌وێت وڵاتانی جیهان  په‌یه‌ده‌ به‌ له‌قێک له‌ په‌که‌که‌ بزانن و له‌م ڕه‌هه‌نده‌وه‌ شه‌رعیه‌ت بدات به‌ سه‌رکوت کردنی کوردی سووریا، به‌ڵام تاکوو ئێسته‌ هیچ وڵاتێک ئه‌م داواکارییه‌ی تورکیای قبوڵ نه‌کردووه‌ و به‌رده‌وامن له‌ هاوکاری کردنی کوردی سووریا.

ناردنی بۆچوون

2 + 0 =