پێش نوێژی هه‌ینی سنه‌:

ژینۆسایدی هه‌ڵه‌بجه‌ په‌ڵه‌یه‌کی ڕه‌شه‌ به‌ ناوچاوی به‌عسه‌وه‌

ناسەی هەواڵ: 3935176 -
پێش نوێژی کاتیی سنه‌ وێڕای ئاماژه‌ به‌ سته‌ملێکراوی خه‌ڵکی هه‌ڵه‌بجه‌ به‌ هۆی بوردومانی ئه‌م شاره‌وه، وتی: کیمیاباران و ژینۆسایدی دڕندانه‌ی خه‌ڵکی هه‌ڵه‌بجه، په‌ڵه‌یه‌کی ڕه‌شه‌ له‌ مێژووی حکومه‌تی سه‌دام و پشتیوانه‌کانی.

به‌ ڕاپۆرتی هه‌واڵنێری هه‌واڵی مێهر، مامۆستا سه‌ید ئه‌حسه‌ن حسێنی، پێش نوێژی کاتیی سنه‌ ڕۆژی ڕابردوو له‌ وتاری نوێژی هه‌ینیدا باسی له‌ کیمیابارانی هه‌ڵه‌بجه‌ و جه‌نایه‌ته‌کانی ڕژێمی به‌عس له‌ دژی کورده‌کانی عێراق کرد.

سه‌ید ئه‌حسه‌ن حسێنی وتی: بێ گومان خه‌ڵکی جیهان ئه‌م جه‌نایه‌ته‌ دڕندانه‌ هیچ کات له‌بیرناکه‌ن و بۆ هه‌میشه‌ له‌ مێژوودا تۆمار کراوه.

وتیشی: هه‌رکه‌س جه‌نایه‌ت و زڵمی له‌ ڕاده‌به‌در بکات خودا له‌ناوی ده‌بات هه‌روا که‌ سه‌دامیش چاره‌نووسی ئه‌وه‌ بوو که‌ له‌ناوبچێت.

له‌ به‌شێکی دیکه‌ی وتاره‌که‌یدا باسی له‌ هاتنی ساڵی نویی زایینی کرد و دواوای له‌ خه‌ڵک کرد پێشوازی باش له‌ میوانان بکه‌ن که‌ سه‌ردانی کوردستان ده‌که‌ن چونکوو کورد ناسراوه‌ به‌ وه‌ی رێز له‌ میوان ده‌گرێت.

ناردنی بۆچوون

4 + 10 =