محه‌مه‌د عه‌لی سوڵتانی؛

یادی پێنجه‌مین ساڵوه‌گه‌ڕی کۆچی دوایی ئیبراهیم یونسی

ناسەی هەواڵ: 3903782 -
یه‌کێک له‌ تایبه‌تمه‌ندییه‌ سه‌ره‌کییه‌کانی ئیبراهیم یونسی له‌ وه‌رگێرانه‌کانیدا، زاڵ بوونی به‌ سه‌ر زمانی یه‌که‌م و دووه‌م بووه‌.

ئاژانسی هه‌واڵی مێهر- محمه‌د عه‌لی سوڵتانی؛ ئه‌و وه‌رگێرانی زۆری له‌ زمانی فارسی و هه‌روه‌ها ئینگلیزی بووه‌ و زیاتر له‌ ۸۰ به‌رهه‌می وه‌رگێڕانی پێشکه‌ش به‌ کتێبخانه‌ی فه‌رهه‌نگ- مێژوو و ئه‌ده‌بی ئێران کردووه‌. ئه‌و ته‌نانه‌ت زاڵ بوو به‌ سه‌ر مه‌ته‌ڵه‌کانی هه‌ر دوو زمانه‌که‌دا، به‌و شێوه‌یه‌ی که‌ له‌ ماوه‌ی چه‌ندین ساڵدا، لێکۆڵینه‌وه‌ و کاری به‌راورد کردنی زۆری له‌مباره‌وه‌ ئه‌نجام دا.

هه‌ر بۆیه‌ له‌ زۆربه‌ی وه‌رگێڕانه‌کانیدا مه‌ته‌ڵی به‌رانبه‌ری ئه‌و مه‌ته‌ڵه‌ ئینگلیزیانه‌ی له‌ فارسیدا ده‌دۆزیه‌وه‌.

هه‌ندێ که‌س پێیان وا بوو که‌ ئه‌و مه‌ته‌له‌کانی له‌ خۆوه‌ داناوه‌ له‌ حاڵێکدا به‌ پشتیوانی توێژینه‌وه‌یه‌ک که‌ بووی به‌رانبه‌ری ڕێکی بۆیان دانا بۆ ئه‌وه‌ی به‌رده‌نگ باشتر هه‌ست به‌ مانای ده‌قه‌که‌ بکات.

یونسی ته‌نیا له‌ سه‌ر زمانی یه‌که‌م وزمانی ئامانج زاڵ نه‌بوو، ئه‌و ته‌نانه‌ت له‌باره‌ی وێژه‌ی دوو زمانه‌که‌وه‌ زانیاری بوو که‌ یارمه‌تی ده‌دا وه‌رگێرانی ڕێکوپێکتر بکات. کاری یونسی له‌ بواری وه‌رگێران کارێکی بڕکه‌ برکه‌ نه‌بوو، وه‌رگێران بۆ ئه‌و کارێکی به‌رده‌وام و جیدی ده‌هاته‌ ئه‌ژمار.ئه‌و ئه‌گه‌رچی له‌ سه‌ره‌تاوه‌ که‌سێکی سه‌ربازی بوو به‌ڵام عاشقی ئه‌ده‌بیات و فه‌رهه‌نگ بوو که‌ وه‌رگێرانی کرده‌ هونه‌ر و کاری سه‌ره‌کی خۆی.

خاڵێکی دیکه‌ که‌ ده‌کرێ له‌باره‌ی ئه‌م وه‌رگێڕه‌ پرکاره‌وه‌ ئاماژه‌ی پێبکه‌ین ئه‌وه‌یه‌ که‌ ئه‌و توێژینه‌وه‌ی کۆمه‌ڵگاناسی ئێرانی  ئه‌نجام ده‌دا.

یونسی زیاتر ده‌ستی بۆ ئه‌و ئاسه‌وارانه‌ ده‌برد که‌ کۆمه‌ڵگا هه‌ستی به‌ پێویست بوونیان ده‌کرد.

کاتێک که‌ مێژووی وێژه‌ی چیرۆکی وڵاتانی ڕۆژئاوایی وه‌رده‌گێراوه‌، ده‌یزانی که‌ کۆمه‌ڵگای ئه‌ده‌بی پێویستی به‌ ئاشنایه‌تی له‌گه‌ڵ  وێژه‌ی وڵاتانی دیکه‌یه‌.

به‌و شێوه‌ که‌ ده‌توانین بڵێین  زۆربه‌ی نووسه‌ران به‌ به‌رهه‌مه‌ وه‌رگێراوه‌کانی ئه‌و له‌گه‌ڵ که‌شی چیرۆکی ڕۆژئاوا ئاشنا بوون. ته‌نانه‌ت کاتێک که‌ به‌رهه‌مه هاوپه‌یوه‌نده‌کان به‌ کوردستانی وه‌رگێرانه‌وه‌ بۆ ئه‌وه‌ بوو که‌ پێیان نیشان بدات که‌ له‌ چ شوێنێکی مێژوودان و بزووتنه‌وه‌ کۆمه‌ڵایه‌تی- سیاسییه‌کانی ئه‌وان ده‌بێ له‌ سه‌ر چ بنه‌مایه‌ک بێت تاکوو تووشی چاره‌نووسی ڕووخان نه‌بن.

 ئه‌و ئاوڕی له‌ سه‌رجه‌م ئه‌م ورده‌کارییانه‌ ده‌دایه‌وه‌ که‌ له‌ ماوه‌یه‌کی کورتدا، ئیمکانی ئه‌وه‌ نییه‌ باسیان بکه‌م.

ئه‌گه‌ر له‌ کار و به‌رهه‌مه‌کانی ئه‌و بگه‌ڕین، یونسی له‌ بواری ئه‌خلاقیه‌وه‌ مرۆڤێکی به‌زر بوو. ئه‌و له‌ باری پێوه‌ره‌ ئه‌خلاقییه‌کان، بابه‌ته‌ کۆمه‌ڵایه‌تییه‌کان و هه‌ست کردن به‌ ڕاستیه‌ مێژووییه‌کان که‌سێکی زۆر پته‌و بوو و که‌سایه‌تیه‌کی زۆر  گه‌وره‌ بوو. هه‌ر که‌س ده‌چووه‌ خزمه‌تی بێ گومان شتێکی لیوه‌ فێر ده‌بوو. پلانڕێژی له‌ ژیانیدا قسه‌ی یه‌که‌می ده‌کرد و ڕه‌نگه‌ به‌و بۆنه‌وه‌ بێت که‌ له‌ زۆربه‌ی کاره‌کانیدا سه‌رده‌که‌وت.

 سه‌رچاوه‌؛ ڕۆژنامه‌ی ئێران

ناردنی بۆچوون

1 + 4 =