۶ی گوڵان به‌ ڕۆژی سنه‌ له‌ ڕۆژ ژمێری ئێران تۆمار کرا

ئه‌ندامانی ئه‌نجومه‌نی فه‌رهه‌نگی گشتی کوردستان له‌ ۹۲هه‌مین کۆبوونه‌وه‌ی خۆیان ڕایانگه‌یاند که‌ ۶ی گوڵانی هه‌ر ساڵ به‌ ڕۆژی سنه‌ تۆمار کراوه‌ و یادی ده‌کرێته‌وه‌.

به‌ ڕاپۆرتی ئاژانسی مێهر، ئاسه‌واری مێژوویی و ژینگه‌ی جوانی شاری سنه‌ بووی هۆی ئه‌وه‌ی که‌ ئه‌نجومه‌نی شاره‌وانی شاره‌که‌ ڕۆژی ۶ی گوڵان به‌ ڕۆژی سنه‌ تۆمار بکات.

محه‌مه‌د ئیبراهیم زارعی، فه‌رمانداری شاری سنه‌ له‌مباره‌وه‌ وتی: ئه‌وه‌ی سه‌باره‌ت به‌ سنه‌ ڕوونه‌، ئه‌وه‌یه‌ که‌ له‌ ساڵی ۱۰۴۶ مانگی و له‌ سه‌رده‌می شا سه‌فی سلێمانی ئه‌رده‌ڵاندا ناوه‌ندی حکومه‌تی ئه‌رده‌ڵان له‌ پاڵه‌نگانه‌وه‌ بۆ شاری سنه‌ گوازراوه‌ته‌وه‌.

ئه‌و زیادی کرد: سنه‌ له‌ ڕووی نه‌ژیارڤانی و هونه‌ری و فه‌رهه‌نگییه‌وه‌ جێگه‌ی سرنجه‌، سلێمان خان دوای چوون بۆ سنه‌ عیماره‌ت و مزگه‌وتی جامێعا و بازاڕی ساز کرد که‌ له‌ ڕوویی نه‌ژیارڤانییه‌وه‌ له‌ ئه‌سفه‌هانی ئێران ده‌چێت.

زارعی وتی: شاری سنه‌ له‌ لایه‌ن خه‌ڵکی کورده‌وه‌ ڕێزی تایبه‌تی هه‌یه‌ و کاریگه‌ری فه‌رهه‌نگی زۆری به‌ سه‌ر شاره‌کانی دیکه‌ی کوردستاندا هه‌یه‌ و هه‌ر بۆیه‌ جێگه‌ی خۆی بوو که‌ ڕۆژێک به‌ ناوی ڕۆژی سنه‌ دیاری بکرێت.

News Code 23150

نیشانەکان

بۆچوونی ئێوە

You are replying to: .
  • 2 + 0 =