جووڵانەوەی نەوەی نوێ ده‌بێته‌ ئۆپۆزسیۆنی حکوومه‌تی عێراق

فراكسیۆنی جووڵانەوەی نەوەی نوێ لەپەرلەمانی عێراق رایگەیاند: بەشداری حكوومەتی عێراق ناكەن ‌و دەبنە ئۆپۆزسیۆنی حكوومەتەكە.

به‌ ڕاپۆرتی ئاژانسی هه‌واڵی مێهر، فراكسیۆنی جووڵانەوەی نەوەی نوێ‌ ئەمڕۆ دوو شەممە لەبەیاننامەیەك راشیگەیاندووە "ستراتیجی ئێمە لە داهاتوودا چاودێرییكردنی حكوومەت و كارەكانی و لێپرسینەوەی دەبێت‌و باوەڕی تەواومان بە جیاكردنەوەی دەسەڵات لە یەكتر هەیە".

جووڵانەوەكە ئەوەشی راگەیاندووە: "لەگەڵ سەرجەم هێزە عێراقییەكانی تردا كاردەكەین بۆ دروستكردنی بەرەیەكی ئۆپۆزسیۆنی كارا دوور لەحیزبایەتی و تائیفییەت و دابەشكاری  بۆ كاركردن لە چوارچێوەی پەرلەمانی عێراقدا".

هەروەها رایگەیاندووە: "ئێمە یەكەم فراكسیۆنین لەسەر ئاستی عێراق، كە ئۆپۆزسیۆنبوونی خۆمان ڕاگەیاندووە و پێمانوایە پرۆسەی دیموكراسی و بەكارخستنی پەرلەمانێكی بەهێز لەم ڕێگایەوە دەبێـت".

ئەمە لەكاتێكدایە جووڵانەوەكە چوار كورسی پەرلەمانی هەیە و تائێستا گفتوگۆی لەگەڵ عادل عەبدولمەهدی ڕاسپێردراوە بۆ پێكهێنانی حكوومەتی نوێی عێراق نەكردووە.

News Code 22561

نیشانەکان

بۆچوونی ئێوە

You are replying to: .
  • 2 + 0 =