کڕیارانی نه‌وتی ئێران گه‌مارۆ نادرێن

وه‌زاره‌تی دارایی ئه‌مریکا له‌ میانه‌ی ڕاگه‌یه‌ندراوێک ئاماژه‌ی دا: کڕیارانی نه‌وتی ئێران گه‌مارۆ نادرێن.

به‌ ڕاپۆرتی ئاژانسی مێهر، ستیڤ منۆچین، وه‌زیری دارایی ئه‌مریکا له‌ گفتوگۆ له‌گه‌ڵ ڕۆیترز وتی: کڕیارانی نه‌وتی ئێران مه‌عافیه‌ت ده‌یانگرێته‌وه‌.

ئه‌و زیادی کرد: ئێسته‌ دۆخه‌که‌ له‌گه‌ڵ سه‌رده‌می ئۆباما گۆڕدراوه‌ و وه‌رگرتنی مه‌عافییه‌ت بۆ کڕیاری نه‌وتی ئێران ئه‌سته‌م تر بووه‌ته‌وه‌.

وه‌زیری دارایی ئه‌مریکا وتی: کڕیارانی نه‌وتی ئێران ده‌بێت تاکوو ۲۰ له‌ سه‌د که‌متر له‌ سه‌رده‌می ئۆباما نه‌وت له‌ ئێران بکڕن تاکوو بتوانن به‌ر مه‌عافیه‌تی نه‌وتی ئێران بکه‌ون.

ئه‌و ئاماژه‌ی دا: چاوه‌ڕوان ده‌که‌ین ئه‌گه‌ر مه‌عافییه‌ت بدرێت له‌ به‌رانبه‌ردا هاورده‌ کردن زۆر که‌م بکرێته‌وه‌. نیگه‌رانی به‌رز بوونه‌وه‌ی نرخی نه‌وت له‌ بازاڕه‌کانیش مه‌بن. لام وایه‌ ئه‌م زانیاریانه‌ کاریگه‌ری خۆیی له‌ سه‌ر نرخی نه‌وت هه‌بووه‌.

منۆچین وتی: چاوه‌ڕوانی ئه‌وه‌ ده‌که‌م که‌ له‌ مانگی نۆڤامبه‌ر هه‌نارده‌ کردنی نه‌وتی ئێران به‌ سفر بگات. من باش ده‌زانم که‌ له‌ دوو ساڵی داهاتوو گوشاری باشی ئابووری ده‌خرێته‌ سه‌ر ئێران.

ئه‌و جه‌ختی کرد: ئێمه‌ له‌گه‌ڵ سوئیفت گفتوگۆمان هه‌بووه‌ که‌ په‌یوه‌ندییه‌کانی له‌گه‌ڵ ئێران بچڕێنێت. ئه‌مریکا ده‌توانێت ئه‌م ڕێکخراوه‌ ئابوورییه‌ سزا بدات. ئێمه‌ ده‌مانه‌وێت ته‌واو دڵنیا بین که‌ ئه‌و ڕێکخراوانه‌ی له‌ لایه‌ن ئه‌مریکاوه‌ گه‌ماڕۆ دراون به‌ هیچ له‌ونێک نه‌توانن کاری بازه‌رگانی بکه‌ن. ده‌مانه‌وێت به‌ ئامانجی باش بگه‌ین و ئه‌وه‌ش پچڕاندنی ئاڵ و گۆڕی بازه‌رگانی له‌گه‌ڵ ئێرانه‌.

News Code 22555

نیشانەکان

بۆچوونی ئێوە

You are replying to: .
  • 3 + 9 =