خەڵاتی تایبەتی داوەران بۆ باشترین کورتە فیلم درایە ئەمیر غوڵامی

ئەمیر غوڵامی دەرهێنەری کوردی خەڵکی بۆکان، لە سێهەمین فێستیڤاڵی نێونەتەوەیی فیلمی سلێمانی خەڵاتی تایبەتی لیژنەی داوەرانی بۆ باشترین کورتە فیلم مسۆگەر کرد.

بە ڕاپۆرتی ئاژانسی هەواڵی مێهر، فیلمی "دەریا شەپۆل شەپۆل دەهەژێت" (The Sea Swells) لە نووسین و دەرهێنانی ئەمیر غوڵامی دەرهێنەری کوردی بۆکانی، لە سێهەمین فێستیڤاڵی نێونەتەوەیی فیلمی سلێمانی خەڵاتی تایبەتی لیژنەی داوەرانی بۆ باشترین کورتە فیلمی کوردستانی پێبەخشرا.

ژیانی هێماین و سووڕئیاڵی پێرسۆناژێکی ئۆدیسەیی لە ناو ماڵێکی بەلەم ئاسا لە دڵی دەریا کە خەرێکی چێ کردنی تابووت بۆ کوژراوانی شەڕی ژێر دەریاکانە، ناوەڕۆکی فیلەمەکەی ئەمیر غوڵامی-یە کە تێیدا محەمەد ڕەئۆف محەمەدی ڕۆڵی سەرەکی دەگێڕێت و کاری فیلم هەڵگری و تۆمار و دانانی ئێفێکتی تایبەتی و دەنگ هەڵگرییەکەی بە نۆرە لە ئەستۆی وەحید بیوتە، ڕەزا جەعفەر زادە، موحسن جەعفەری و عەدنان جەوانمەردی بووە.

سێهەمین فێستیڤاڵی نێونەتەوەیی فیلمی سلێمانی رۆژی ١٠ی مانگی ئاکتەوبر چالاکییەکانی لە تەلاری هونەری شاری سلێمانی لە هەرێمی کوردستان بە بەشداری ۱۲۲ فیلمی ۵۲ وڵات دەست پێکرد و ئێوارەی رۆژی چوارشەممە ١٦ی ئاکتەوبر پاش ٧ رۆژی کاری بە دابەش کردنی خەڵاتەکان بە ‌سه‌ر فلیمه‌ سه‌ركه‌وتووه‌كاندا لە ١٤ بەش و ٥ خەڵاتی ڕێزنان، کۆتایی پێهات.

شایانی باسە، دەریا شەپۆل شەپۆل دەهەژێت وەک بەرهەمی هاوبەشی دەرهێنەری ئەو فیلمە و ئەنجومەنی سینەمایی گەنجانی ئێران لقی سنە، پێشتر خەڵاتەکانی باشترین فیلم و باشترین دەرهێنەری لە یازدەهەمین فێستیڤاڵی نێونەتەوەیی فیلمه‌ ئێرانییه‌کانی سانفرانسیسکۆی ئەمریکا و باشترین سناریۆی لە مێهرەجانی کۆمێشی سمنان پێبەخشراوە و لە ئێستاشدا بۆ بەشی ڕکابەریی دوو فێستیڤاڵی نێونەتەوەیی فیلمی ئەزمیری تورکیا و ئەڵتەرناتیڤی ڕۆمانیا وەرگیراوە.

News Code 22492

نیشانەکان

بۆچوونی ئێوە

You are replying to: .
  • 3 + 15 =