هەر کەسێک توانایی ئەوەی نییە شێعر بۆ منداڵان بێژێت

له‌ دوایین ڕۆژی پێشانگای نێونه‌ته‌وه‌یی کتێبی کورستان، کۆڕی ئه‌ده‌بیاتی منداڵان له‌ سنه‌ به‌ڕێوه‌ چوو.

به‌ ڕاپۆرتی ئاژانسی مێهر، له‌ دوایین ڕۆژی پێشانگای نێونه‌ته‌وه‌یی کتێبی کورستان، کۆڕی ئه‌ده‌بیاتی منداڵان به‌ به‌شداری عه‌لیڕه‌زا محه‌مه‌دیان، مه‌رجان کامیاب و کولسوم عوسمان پوور له‌ سنه‌ به‌ڕێوه‌ چوو.

له‌ سه‌ره‌تای ئه‌م کۆڕه‌ خاتوو عوسمان پوور وتی: له‌ دۆخی ئابووری ئه‌مڕۆدا گران بوونی کتێب خۆی غه‌می و په‌ژاره‌یه‌کی دیکه‌یه‌ که‌ ده‌بێت به‌رپرسان ئاوڕی جدی لێبده‌نه‌وه‌.

ئه‌و زیادی کرد: شاره‌زایان ده‌بێت بۆچوون و ڕێکاری باش بۆ په‌روه‌رده‌ی منداڵان بخه‌نه‌ به‌رده‌ست. گومانی تێدا نییه‌ که‌ هه‌ر که‌س ناتوانێت ببێته‌ نووسه‌ر و شاعری منداڵان.

له‌ درێژه‌ی کۆڕه‌که‌ مه‌رجان کامیاب، مامۆستای زمان و ئه‌ده‌بیاتی منداڵان وتی: ئه‌ده‌بیاتی جیهانی له‌ چه‌ند به‌شی ئه‌ده‌بیاتی شێعری، حیماسی، په‌روه‌رده‌ و منداڵان پێکهاتووه‌ که‌ به‌داخه‌وه‌ لای ئێمه‌ گرنگییه‌کی ئه‌وتۆ به‌ ئه‌ده‌بی منداڵان نادرێت.

ئه‌و زیادی کرد: ناوه‌ڕۆکی ئه‌م جۆره‌ ئه‌ده‌بیانتانه‌ هه‌موویان جیاوازی پێکه‌وه‌ هه‌یه‌. له‌ ئه‌ده‌بی منداڵان نووسه‌ر ده‌بێت سه‌ره‌تا ده‌روون و خواست و مه‌یلی منداڵان به‌ باشی بناسێت.

ئه‌م مامۆستای زانکۆیه‌ ئاماژه‌ی دا: ته‌نانه‌ت ئه‌ده‌بی منداڵان و میرمنداڵان جیاوازی زۆری پێکه‌وه‌ هه‌یه‌، تێپه‌ڕ بوون له‌ جیهانی منداڵانی بۆ میرمنداڵی یه‌که‌م هه‌نگاوی چوونه‌ قۆناغی چوونه‌ جیهانی گه‌وره‌ ساڵی و تێپه‌ڕ بوون له‌ پاکییه‌کانی منداڵییه‌.

کامیاب وتی: منداڵ له‌ چیرۆک وتنه‌وه‌ و لالایی دایک و باوکانی چێژ ده‌بات و گومانی تێدا نییه‌ که‌ دایک و باوکه‌کان ده‌بێت هه‌وڵ بده‌ن تاکوو ئه‌م چێژه‌ تایبه‌ته‌ی منداڵان له‌گه‌ڵ کتێب و چیرۆک و فیلم یه‌کبخه‌ن.

هه‌روه‌ها له‌ درێژه‌ی کۆڕه‌که‌ عه‌لیڕه‌زا محه‌مه‌دیان نووسه‌ری کتێبی ناسراوی "ماسی خانم" وتی: هه‌رجی نووسه‌ر به‌ ڕۆحی منداڵان نزیک تر ببێته‌وه‌ زۆر باشتر ده‌توانێت له‌گه‌ڵ منداڵان په‌یوه‌ندی دروست بکات.

ئه‌و زیادی کرد: ئێمه‌ وه‌ک هه‌میشه‌ له‌ بواری شاعر و نووسه‌ری منداڵان که‌م و که‌سریمان هه‌یه‌ و ده‌بێت له‌م ڕووه‌وه‌ کاری زۆر باش بکرێت.

محه‌مه‌دیان وتی: به‌داخه‌وه‌ تاکوو ئێسته‌ له‌ بواری بڵاقگه‌ی منداڵان زۆر لاوازین و ئه‌مه‌ش یه‌کێکی دیکه‌ له‌ کێشه‌کانی ئه‌ده‌بی منداڵانی کوردستانه‌.

شایانی باسه‌ که‌ دوێنێ دووشه‌مه‌ ۲۳ی خه‌زه‌ڵوه‌ڕ دواین ڕۆژی هه‌شته‌مین پێشانگای نێونه‌ته‌وه‌یی کتێبی کوردستان بوو که‌ تێیدا ۲۳۰ بنکه‌ی فرۆشتنی کتێب له‌ لایه‌ن بڵاڤگه‌ ناوخۆیی و جیهانییه‌کان تێیدا بۆ یه‌ک حه‌فته‌ ئیشیان کرد.

News Code 22437

نیشانەکان

بۆچوونی ئێوە

You are replying to: .
  • 8 + 5 =