وه‌رده‌کاری کوژرانی براکه‌ی جه‌ماڵ خاشقجی له‌ عه‌ره‌بستان

شایه‌ت حاڵه‌کان له‌ کوژرانی برا و ژنه‌که‌ی جه‌ماڵ خاشقجی به‌ شێوازێکی زۆر ترسناک له‌ لایه‌ن چه‌ند که‌سێکی دەمامەکدار له‌ شاری جه‌ده‌ی عه‌ره‌بستان هه‌واڵیان داوه‌.

به‌ ڕاپۆرتی ئاژانسی مێهر، ئه‌لدیار ڕایگه‌یاند: چه‌ند که‌سێکی دەمامەکدار  شه‌وی دووشه‌مه‌ هێرشیان کردووه‌ته‌ سه‌ر ماڵی براکه‌ی خاشقجی و له‌م هێرشه‌دا براکه‌ی و ژنه‌که‌یان کوشتووه‌.

به‌ پێی ئه‌م ڕاپۆرته‌، ژنێکی دراوسێی ماڵی براکه‌ی خاشقجی له‌مباره‌وه‌ وتی: که‌سه‌ دەمامەکدارەکان سه‌ری ئه‌حمه‌د خاشقجیان به‌ شمشێر لێدا و کاتێک ژنه‌که‌یشی هه‌وڵی دا ڕزگاری بکات و ئه‌ویشیان به‌ شمشێر کوشت، ۳ منداڵه‌که‌یان له‌ پشته‌وه‌ هه‌ڵاتن و چوونه‌ ماڵی دراوسێیەکان و بکوژەکان  دواتر به‌ ئۆتۆمبیلێکی ڕه‌ش هه‌ڵاتن.

ئه‌م شایه‌تحاڵه‌ زیادی کرد که‌ دواجار پۆلیسی سعوودییه‌ گه‌یشته‌ سه‌ر ڕووداوه‌که‌ و ده‌ستی کرد به‌ لێکۆڵینه‌وه‌ له‌ بابه‌ته‌که‌ و هه‌ر دوو ته‌رمه‌که‌یان له‌گه‌ڵ خۆیان برد و تاکوو ده‌می به‌یانیش له‌ ماڵی ئه‌حمه‌د خاشقجی سه‌رقاڵی پشکنین بوون.

هه‌ر ۳ منداڵه‌که‌ی خاشقجی له‌ ته‌مه‌نی ۱۴ بۆ ۱۸ ساڵن و له‌ ئێستادا به‌ هۆی ئه‌م ڕووداوه‌ باری ده‌روونیان شپرزه‌یە. محه‌مه‌د کوڕه‌ گه‌وره‌که‌ی وتی به‌ چاوی خۆم دیم که‌ سه‌ری باوکمیان لێ کرده‌وه‌.

له‌ ئێستادا دۆخی شه‌قام زۆر ناله‌باره‌ و خه‌ڵک له‌ دڵه‌ڕاوێکێیه‌کی خراپ دان پۆلیس منداڵه‌کانی ئه‌حمه‌د خاشقجیشی له‌گه‌ڵ خۆی بردووه‌.

News Code 22317

نیشانەکان

بۆچوونی ئێوە

You are replying to: .
  • 5 + 9 =