ترامپ دیسان دژی ئێران لێدوانی دا

سه‌رۆک کۆماری ئه‌مریکا دیسان له‌ دژی ئێران و ڕووسیا و کۆریای باکوور لێدوانی توندی دا.

به‌ ڕاپۆرتی ئاژانسی مێهر، دۆناڵد ترامپ، سه‌رۆک کۆماری ئه‌مریکا له‌ میانه‌ی کۆنفڕانسی کشانه‌وه‌ی نیکی هه‌یلی له‌ به‌رپرسیاریه‌تی نه‌ته‌وه‌ یه‌کگرتووه‌کان بۆ ئه‌مریکا پاگه‌نده‌ی کرد: له‌ سه‌ره‌تای کار کردن نیکی هه‌یلی له‌ کۆریای باکوور وه‌ک کێشه‌یه‌ک بۆ جیهان باسی ده‌کرد، به‌ڵام ئێسته‌ دۆخه‌که‌ گۆڕدراوه‌ و باشتره‌. ئه‌و باش ڕووسیا و چینی ده‌ناسی، ئێسته‌ ئه‌مریکا له‌ پێشتر به‌هێزتره‌ و ئه‌وه‌ی ده‌یڵێین ئه‌نجام ده‌بێت.

ئه‌و زیادی کرد: کاتێک ئێمه‌ هاتینه‌ سه‌رکار ئێران گه‌وره‌ ترین کێشه‌ بوو. بابه‌ته‌که‌ ئه‌وه‌ بوو ئه‌وان که‌ی ده‌ست به‌ سه‌ر ڕۆژهه‌ڵاتی ناڤیندا ده‌گرن، به‌ڵام ئێسته‌ ئه‌وان ته‌نیا هه‌وڵی ئه‌ویانه‌ که‌ بمێننه‌وه‌ له‌ ئێران سه‌رهه‌ڵدان ڕووی داوه‌ و گرانی زرۆ به‌رز بووه‌ته‌وه‌، دواجار ناچار ده‌بن بۆ دانوستان بێنه‌ لای ئێمه‌، ده‌بێت ببینین چی ڕوو ده‌دات. 

ترامپ وتی: په‌مپه‌ئۆ سه‌باره‌ت به‌ کۆریای باکوور که‌ کێشه‌یه‌کی گه‌وره‌ بوو به‌ڕاستی کاری زۆر باشی کردووه‌. ئه‌م وڵاته‌ چی دیکه‌ تاقی کردنه‌وه‌ی ناوڤۆکی ئه‌نجام نادات. به‌رمه‌ته‌کانی خۆمانمان بێ هیچ پاره‌یه‌ک وه‌رگرته‌وه‌. بێ ئه‌وه‌ی ۱.۸ ملیار دۆلاری نه‌ختینه‌ وه‌ک کاتی ئۆباما بده‌ین. ئێسته‌ ۳ مانگ له‌ دیداری من و سه‌رۆک کیم تێپه‌ڕ بووه‌ و هیچ مووشه‌ک تاقی نه‌کراوه‌ته‌وه‌ و دانوستانه‌کان له‌ به‌ستێنێکی باش دایه‌.

ئه‌و جه‌ختی کرد که‌ ۲ یان ۳ حه‌فته‌ی دیکه‌ جێگره‌وه‌ی نیکی هه‌یلی له‌ نه‌ته‌وه‌ یه‌کگرتووه‌کان دیاری ده‌که‌م. سه‌باره‌ت به‌ خاشقجی هێشتا له‌گه‌ڵ عه‌ربه‌ستان گفتوگۆم نه‌کردووه‌، به‌ڵام ئه‌م کاره‌ ئه‌نجام ده‌ده‌م.

سه‌رۆک کۆماری ئه‌مریکا سه‌باره‌ت به‌ چین وتی: بازه‌رگانی ئێمه‌ له‌گه‌ڵ چین له‌ زیانی ئه‌مریکا بوو، ئێمه‌ یارمه‌تی دروست بوونه‌وه‌ی چینمان داوه‌. چین ده‌یه‌وێت ڕێکبکه‌وێت من ده‌ڵێم باشه‌، به‌ڵام ئه‌م ڕێگایه‌ دوو لاینه‌یه‌ له‌ ۲۵ ساڵی ڕابردوو یه‌ک لایه‌نه‌ بوو.

News Code 22295

نیشانەکان

بۆچوونی ئێوە

You are replying to: .
  • 3 + 5 =