هەشتەمین پیشانگای کتێبی کوردستان لە سنە کرایەوە

هەشتەمین پیشانگای کتێبی کوردستان بە ئامادەبوونی بەرپرسانی باڵای پارێزگای کوردستان و بەشداریی ۱۵۷ بڵاڤگەی ناوخۆیی و ۲۰ بڵاڤگەی دەرەکی لە سنە کرایەوە.

بە ڕاپۆرتی هەواڵنێری مێهر، کەمێک پێش ئێستا چالاکی هەشتەمین پیشانگای کتێبی کوردستان لە ڕێڕەسمێکدا بە ئامادەبوونی بەرپرسانی پارێزگا لەوانە پارێزگار و نوێنەری ڕێبەری لە کوردستان و بەڕێوەبەرانی دامودەزگا فەرهەنگییەکان لە شوێنی هەمیشەیی پیشانگاکانی سنە  دەستپێکرد.

هەشتەمین خولی پێشانگای کتێبی کوردستان له‌ ۱۸ی خه‌زه‌ڵوه‌ر تاکوو ۲۳ی ئه‌م مانگه‌ بەیانی و ئیوارە له‌ سنه‌، بۆ سەردانی لایەنگرانی کتێب کراوەیە.

خوله‌کانی پێشوو له‌ هه‌رێمی کوردستانه‌وه‌ چه‌ندین بڵاوڤگه‌ به‌شداریان کردبوو به‌ڵام ئه‌مساڵ له‌ وڵاتانی دیکه‌ش به‌شداری ئه‌م پێشانگایه‌ ده‌که‌ن.

له‌ پێشانگاکه‌ ۲۳۰ غورفه‌ به‌ به‌شداری ۱۵۷ بڵاڤگه‌ی دیاری ناوخۆیی ده‌کرێته‌وه‌ که‌ ۱۱ بڵاڤگه‌یان له‌ پارێزگای کوردستانه‌وه‌ به‌شداریان کردووه‌. ۷۳ هه‌زار و ۵۰۰ بابه‌ت کتێب له‌ ماوه‌ی ۶ ڕۆژ له‌ پیشانگه‌که‌ بۆ فرۆش نمایش ده‌کرێت و هیوادارین خه‌ڵکی کوردستان به‌ باشی پێشوازی لێ بکه‌ن. له‌م ڕێژه‌یه‌ ۸۴۰۰ بابه‌ت کتێبی بڵاڤگه‌ جیهانییه‌کانن. هه‌روه‌ها سه‌رجه‌م ۲ هه‌زار و ۸۰۰ بابه‌ت کتێب به‌ زمانی کوردی له‌ لایه‌ن ۸ بڵاڤگه‌ی هه‌رێمی کوردستان ده‌خرێته‌ به‌ر دیدی خوێنه‌رانی کورد.

شایانی باسه‌ که‌ له‌م خوله‌ی پێشانگای کتێبی سنه‌ به‌ هۆی کرانه‌وه‌ی خوێندنگاکان ژماره‌یه‌کی زۆر بڵاوڤگه‌ی کتێبی خوێندنگه‌ و زانکۆکان به‌ کتێبی زانستی به‌شداری ده‌که‌ن.

News Code 22291

نیشانەکان

بۆچوونی ئێوە

You are replying to: .
  • 2 + 5 =