نتانیاهۆ: لەگەڵ پووتین سه‌باره‌ت به‌ ئێران له‌ سووریا گفتوگۆ ده‌که‌م

سه‌رۆک وه‌زیرانی ئیسڕائیل وتی که‌ له‌ میانه‌ی دیداری داهاتووی خۆی له‌گه‌ڵ سه‌رۆک کۆماری ڕووسیا سه‌باره‌ت به‌ ئاماده‌ بوونی ئێران له‌ سووریا و چالاکی حزبۆڵای لوبنان گفتوگۆ ده‌کات.

به‌ ڕاپۆرتی ئاژانسی مێهر له‌ سپۆنتیک، بنیامین نتانیاهۆ، سه‌رۆک وه‌زیرانی ئیسڕائیل ڕۆژی دووشه‌مه‌ وتی: له‌ میانه‌ی دیداری داهاتووم له‌گه‌ڵ سه‌رۆک کۆماری ڕووسیا سه‌باره‌ت به‌ حاکمیه‌تی ئیسڕائیل به‌ سه‌ر به‌رزاییه‌کانی گوڵان، ئاماده‌ بوونی ئێران له‌ سووریا و چالاکی حزبۆڵای لوبنان گفتوگۆ ده‌که‌م.

نتانیاهۆ له‌ کاتی دیدار له‌ به‌رزاییه‌کانی گوڵان وتی: ئه‌مڕۆ ئێمه‌ ده‌بینین که‌ ئێران هه‌وڵ ده‌دات بوونی سه‌ربازی خۆی و پشتیوانی له‌ تیرۆریسته‌کان درێژه‌ پێبدات ئێمه‌ به‌ تووندی دژی ئه‌مه‌ین و حاکمیه‌تی ئیسڕائیل به‌ سه‌ر به‌رزاییه‌کانی گوڵان گه‌ره‌نتی ئاشتی و سه‌قامگیری له‌ ناوچه‌که‌یه‌. ئه‌م به‌رزایانه‌ بۆ هه‌میشه‌ له‌ ژێر کۆنترۆڵی ئێمه‌دا ده‌مێننه‌وه‌ چون ئه‌گه‌ر وه‌ها نه‌بوایه‌ت ئێسته‌ ئێران و حزبۆڵا تاکوو ڕۆخه‌کانی کینرت پێشڕه‌ویان کردبوو.

ئه‌و زیادی کرد: ئێمه‌ بە هەموو توانا درێژه‌ به‌ هه‌نگاوه‌کانی خۆمان که‌ دژی ئێران ده‌ده‌ین و دژی هه‌موو ئه‌و هه‌نگاوانه‌ ده‌وه‌ستینه‌وه‌ که‌ سه‌قاڵی گواستنه‌وه‌ چه‌کی قورس بۆ لوبنانه‌. من له‌ دیداری پووتین هه‌موو ئه‌مانه‌ به‌ر وردی باس ده‌که‌م.

سه‌رۆک وه‌زیرانی ئیسڕائیل هه‌روه‌ها وتی: من و سه‌رۆک کۆمار پووتین سه‌باره‌ت به‌ هاوکارییه‌ گرنگه‌ ئه‌منییه‌تییه‌کان له‌ نێوان ئیسڕائیل و سوپای ڕووسیا بڕیارمان داوه‌ و گومانیشی تێدا نییه‌ که‌ دریژه‌ به‌م هاوکاریانه‌ ده‌ده‌ین.

ئه‌و هه‌روه‌ها ئاماژه‌ی دا که‌ پووتین به‌ باشی له‌ گرنگی به‌رزاییه‌کانی گوڵان له‌ لایه‌ن ئسیڕائیله‌وه‌ ئاگاداره‌. 

ساڵی ۱۹۶۷ ئیسڕائیل دوای سه‌رکه‌وتن له‌ شه‌ڕی ۶ ڕۆژه‌ به‌رزاییه‌کانی گوڵانی داگیر کرد و ئه‌م داگیرکارییه‌ تاکوو ئه‌مڕۆش درێژه‌ی هه‌یه‌.

News Code 22275

نیشانەکان

بۆچوونی ئێوە

You are replying to: .
  • 1 + 5 =