۲۸۰۰ بابه‌ت کتێبی کوردی له‌ پێشانگای کتێبی کوردستان داده‌نرێت

جێگری فه‌رهه‌نگی ئیداره‌ی ئیرشاد و فه‌رهه‌نگی کوردستان وتی: پێشانگای کتێبی کوردستان له‌ حاڵێکدا ئه‌م حه‌فته‌یه‌ له‌ سنه‌ ده‌ست به‌ کار ده‌کات که‌ ۲۰ بڵاڤگه‌ی بیانی تێیدا به‌شداری ده‌که‌ن.

به‌ ڕاپۆرتی ئاژانسی مێهر، عوبه‌ید ڕوسته‌می، جێگری فه‌رهه‌نگی ئیداره‌ی ئیرشاد و فه‌رهه‌نگی کوردستان وتی: پێشانگای کتێبی کوردستان ڕۆژی چوارشه‌مه‌ ۱۸ی ڕه‌زبه‌ر له‌ سنه‌ ده‌ست به‌ کار ده‌کات و ۲۰ بڵاڤگه‌ی بیانی تێیدا به‌شداری ده‌که‌ن.

ڕوسته‌می وتی: هیوادارین به‌ به‌رێوه‌ چوونی ئه‌م پێشانگایه‌ بتوانین هه‌نگاوێک بۆ پڕ کردنه‌وه‌ی پێویستییه‌ فه‌رهه‌نگییه‌کانی خه‌ڵکی کوردستان هه‌ڵبگرین.

ئه‌و زیادی کرد: ۸مین خولی پێشانگای کتێبی کوردستان له‌ ۱۸ی خه‌زه‌ڵوه‌ر تاکوو ۲۳ی ئه‌م مانگه‌ له‌ سنه‌ به‌ڕێوه‌ ده‌چێت. خوله‌کانی پێشوو له‌ هه‌رێمی کوردستانه‌وه‌ چه‌ندین بڵاوڤگه‌ به‌شداریان کردبوو به‌ڵام ئه‌مساڵ له‌ وڵاتانی دیکه‌ش به‌شداری ئه‌م پێشانگایه‌ ده‌که‌ن.

ئه‌و هه‌روه‌ها وتی: له‌ پێشانگاکه‌ ۲۳۰ غورفه‌ به‌ به‌شداری ۱۵۷ بڵاڤگه‌ی دیاری ناوخۆیی ده‌کرێته‌وه‌ که‌ ۱۱ بڵاڤگه‌یان له‌ پارێزگای کوردستانه‌وه‌ به‌شداریان کردووه‌. ۷۳ هه‌زار و ۵۰۰ بابه‌ت کتێب له‌ ماوه‌ی ۶ ڕۆژ له‌ پیشانگه‌که‌ بۆ فرۆش نمایش ده‌کرێت و هیوادارین خه‌ڵکی کوردستان به‌ باشی پێشوازی لێ بکه‌ن. له‌م ڕێژه‌یه‌ ۸۴۰۰ بابه‌ت کتێبی بڵاڤگه‌ جیهانییه‌کانن. هه‌روه‌ها سه‌رجه‌م ۲ هه‌زار و ۸۰۰ بابه‌ت کتێب به‌ زمانی کوردی له‌ لایه‌ن ۸ بڵاڤگه‌ی هه‌رێمی کوردستان ده‌خرێته‌ به‌ر دیدی خوێنه‌رانی کورد.

شایانی باسه‌ که‌ له‌م خوله‌ی پێشانگای کتێبی سنه‌ به‌ هۆی کرانه‌وه‌ی خوێندنگاکان ژماره‌یه‌کی زۆر بڵاوڤگه‌ی کتێبی خوێندنگه‌ و زانکۆکان به‌ کتێبی زانستی به‌شداری ده‌که‌ن.

News Code 22273

نیشانەکان

بۆچوونی ئێوە

You are replying to: .
  • 1 + 8 =